今次我黎左尖沙嘴嘅鐵火堂外賣部 @tekka.tuna 度參觀佢地即劏藍鰭吞拿魚環節呀！ 好興奮好興奮！因為我係第一次近距離見到原條藍鰭吞拿魚呀😍😍😍😍 師傅佢現場用剧黎劏魚，好威猛！街客可以每日下晝4:30係窗口度睇佢現場即劏，劏完即刻可以新鮮即買呀！ 近距離睇到佢嘅魚肉越近骨位就越紅，即係平時我地食開嘅赤身；越近肚腩皮嘅就越白，即係食開嘅大拖羅😍佢另外仲有限量極稀有嘅頸拖羅添呀！好正呀😍 拿，佢嘅魚係朝早8點由日本撈起即刻送上飛機空運到港架，12點就黎到香港啦！然後4點就安排劏魚，所以係勁新鮮架！！！我有幸可以參與呢個近距離觀摩嘅環節感到好榮幸呀！ 首先介紹呢個係鐵火堂嘅即劏吞拿魚刺身盛合！左起係赤身、中拖羅、大拖羅、最前係頸拖羅！點擊圖片放大 +3 頸拖羅 HK$160大拖羅 HK$130中拖羅 HK$100赤身HK$60頸拖羅平時你係食唔到的，因為一條魚只得好少份量係頸拖羅，佢嘅油份最強簡直充斥滿嘴都係魚油，好誇張，但頸拖羅有少少筋，無大拖羅魚腩咁軟滑，同埋食一舊已經有少少滯，油份太勁，建議同人share一份😁 呢度嘅即劏新鮮赤身真係無得輸！無經過雪藏，即劏即食，保留左魚肉嘅鮮味，而且肉感好軟滑😍一試難忘，未食過咁好食嘅赤身，我係日本漁市場食都無咁好食，又平過食拖羅，真心推薦❤️ 一般黎講我都唔建議人係外面食赤身，因為平時食開都係橡膠咁，又無味，一陣雪藏味，但呢度就唔會有呢個情況。4色拖羅壽司盛 HK$50呢一SET真係完美地抵食，淨係頸拖羅已經值回票價！ 頸拖羅 大拖羅 大拖羅+中拖羅+赤身+三文魚子丼飯 $205佢呢個丼飯係可以自選配料,好似車仔麵咁想要咩刺身就自己揀，每款獨立價錢，豐儉由人 大拖羅+ 蔥花吞拿魚蓉+三文魚子丼飯 HK$165呢款只係揀少左D吞拿魚，相對就會平返好多~ 好邪惡呀～～大滿足, 不如一齊黎睇片啦~📍鐵火堂📍地址: 尖沙嘴漆咸道南62號首都廣場地下5號鋪📷 Sony A7R4 + RX100 VII + ZV1 @sonyhongkong📸 cameraman - @daydaycheckin📝 官方網站www.timbeelo.shop➥🔆 訂閱頻道－ https://www.youtube.com/c/窮遊達人MrTravelGenius?sub_confirmation=1足本節目 ⏬Full Version ⏬Facebook/YouTube 搜尋Search🔥窮遊達人 Mr. Travel Genius🔥🎬 YouTube Channel🅿️ Facebook📸 Instagram
