YouTube 影片➥🔆 訂閱頻道－ https://www.youtube.com/c/窮遊達人MrTravelGenius?sub_confirmation=1今次我想介紹呢間係位於大角嘴奧運站出口附近博文街的隱世小店 小林札幌拉麵 首先，我其實住左大角嘴大大話話都有8年，真係睇住佢開業，開初食過一兩次之後都少左幫襯，因為一直搵其他新野試。但今次我發現左新菜式 ！ ！ ！ 「超特盛肥牛拉麵」 去唔到日本，對於呢d咁日本嘅台詞「超特盛」兩眼發青光，於是問下老闆「超特盛」咩玩法？ 老闆小林：麵底兩個，肥牛400G，仲有雜錦配料例如豬軟骨、蟹柳、叉燒同埋好多小配菜 WHAT?!!?? 咁多野嘅？？？兩個麵底？於是我問佢幾錢小林話「$150」 吓？？ 好平呀！！！成個面盆咁大份嘅400G肥牛拉麵只係$150！仲要有埋其他配料，於是我就叫左呢個雜錦肥牛拉麵試下啦！ 今次我叫埋好友 @daydaycheckin @stanarion 一齊去幫手食！你睇我捧上手！碗拉麵真係好大碗呀！ 好啦，廢話就講左咁耐，你睇到呢度已經要送返份禮物比你啦！首先佢嘅份量真心足夠3個人黎食，店主都話3個人黎Share食都無問題，因為真係好大碗！點擊圖片放大 肥牛味道偏咸味重，係醬油味加少少甜，好鬼好食，好邪惡，勁多肥牛又大塊！我地3個人一人夾一渣都夾唔哂！真係好誇張咁多成座山咁！ 叉燒係日式叉燒，肥瘦均勻但顯得無咁出眾了。 豬軟骨好腍，好咸，送麵一流。 講下個麵先，拉麵好香好軟滑，食落唔會似廉價果種好梅嘅拉麵，爽滑彈牙，我唔覺意望到佢個麵箱，原來麵底真係北海道直送香港架！！！唔係大陸/香港貨。 原來佢地係走北海道家庭式小店料理，所以佢地售賣嘅菜單原料大部分都係來自日本，所以菜式一直都走樸實無華嘅風格！ 我問佢：點解你會突然推出呢個火山巨型牛肉拉麵呢？小林話「因為好多人食野都要影相打卡，於是一於整返個夠霸氣嘅巨型火山牛肉拉麵出黎比人打卡」 老闆，你擊中我要害了 $258/ 2人套餐🍽🍽咁我地一行3人，我叫左一碗拉麵，佢地就再叫左個2人餐，$258，立下眼睇都幾貴，除返開每人$130。但原來佢主菜兩款之餘，小食係跟3款！好誇張！ 鰻魚飯 🍱 先黎介紹個主食，我地點左鰻魚飯！開頭都系有少少懷疑，會唔會系d好頹嘅鰻魚飯，即係微波爐叮返熱d雪藏鰻魚淋個汁就算數，點知黎到好驚喜😍 用傳統鰻魚飯盒上桌，同我係東京名店駿河屋一樣Style。佢嘅鰻魚係用火燒的，面頭香脆乾身，一打開蓋散發好濃郁嘅香味！面頭再撒左香氣刺鼻嘅山椒粉！用黎解除鰻魚的腥味，真係好鬼正宗做法！不得不說，Echo & Stan佢地兩個不約而同話個鰻魚汁唔夠濃唔夠重口味，但我想講：NO NO NO~~係日本鰻魚飯店食鰻魚飯，其實唔會食到香港果隻甜豉油味架，因為唔新鮮嘅鰻魚先會用重口味掩蓋左佢嘅鮮味，正宗嘅鰻魚飯都係用淡鰻魚醬油，咁先可以突出到鰻魚本身嘅鮮味，乖啦，唔好成日食咁重口味。呢個飯真係要再去食多幾次，真心好好食！豚肉蔬菜咖哩飯🍛 咖哩飯呢個我本身一d興趣都無，但因為叫左火山牛拉麵&鰻魚飯，咁主食得返咖喱飯無重疊，於是揀左佢。 佢賣相一睇就知唔係用現成咖喱包做，因為舊舊紅蘿蔔&薯仔都勁大粒，完全係日本家庭式小店風格嘅料理，開頭以為係咁多，原來佢個咖喱裡面加左豬軟骨煮呀！好正好香！（素食人士唔啱啦～） 日式手工餃子 （跟餐包埋） 店主話佢地每隻餃子都係人手手工包的，所以外面一隻只有25g左右，佢足足有40g份量，老實講我無用磅去磅過，齋睇又唔覺話真係好大隻。 食落去，蔬菜真係好新鮮爽脆，果然係新鮮現包，裡面仲夾住好多大粒爽脆豬肉碎，唔怪之得佢咁重秤，因為佢肉嘅份量多過蔬菜，好大滿足感😳😳😳😳真係好好食。其實我地最後食左兩碟，因為encore左🤣🤣🤣太好食北海道南瓜薯餅（跟餐包埋） 我問佢係用北海道產嘅南瓜做成自家製薯餅，唔可以唔試。其實份量都真係好大件，切開4件其實可以4個人Share 🔟食落去好重南瓜嘅甜味，好軟滑，但佢整體都係澱粉質感，無乜咬口野，講唔上好出眾，屬可以接受。吉列豬扒 （跟餐小食） 跟餐小食出面食正常好多都係好雞，得細細份好似乞衣咁，全部變迷你版，呢度我都有少少怯！黎到，嘩，勁大塊，真係勁大塊！ 粗略估計係有20cm長，佢仲要係厚切豬扒！！！我第一時間夾左中間最肥美厚肉果part黎食所以張相中間係少左條肉，本身佢係切左6條 豬扒新鮮炸起真係好肥美爽口，好鬼邪惡，但又忍唔住食哂佢！超好食，諗返起都流口水、最緊要係抵食呀嘛😳鹽燒鯖魚 （單點） 本身諗住佢份量好細，我地又有5個人，所以額外再加左幾款小食。 呢款係鹽燒鯖魚，老闆話係佢地自己劏魚再燒，唔係雪藏急凍貨翻熱，真係睇到佢有骨，唔係雪藏魚，食落真係好軟滑好香，唔腥，但略嫌乾身左少少，可能因為係燒魚。鹽燒雞翼雞軟骨串燒 （單點） 鹽燒口味，無乜驚喜，好正常，但都好食嘅。 洋蔥薯蓉沙律 （單點） 好神奇點解洋蔥可以唔出水？佢係好多洋蔥絲加係薯蓉做成一個個雪糕球咁，乾身嘅洋蔥好有咬口，加上沙律醬撈勻左嘅薯蓉，軟滑之間有d嚼勁，真係好開胃，Echo妹一個人食左兩球，我只係食左一啖望兩望已經無哂！！！🌝總結我覺得餃子最正，必食必食！❤️❤️❤️其次係鰻魚飯😍😍😍📍小林札幌拉麵📍地址: 九龍大角咀博文街11號地舖 📝 官方網站www.timbeelo.shop足本節目 ⏬Full Version ⏬Facebook/YouTube 搜尋Search🔥窮遊達人 Mr. Travel Genius🔥🎬 YouTube Channel🅿️ Facebook📸 InstagramCamera Food- Nikon Z50 點擊圖片放大 📷 Sony Z50 Nikon
