又到咗一年一度#大閘蟹季，今年又俾我搵到間食#大閘蟹放題，仲要係每位$398全包價，不過就⏰限時100分鐘，我個人絕對夠時間，因為目標一餐限食四隻，唔想去得太盡，此終膽固醇唔係話做幾下運動🏃🏼♀️🏃🏼♀️就可以完全抵消！ 過往食大閘蟹晚餐放題，套餐內幾道菜只有大閘蟹可以無限追加，其他菜式都係只限一份，不過今年俾我搵到哩間位於#中港城 平台嘅#盈翠軒，做緊$398一位全包價，大閘蟹同其餘菜式全部任食，🍺🥤汽水啤酒甜品統統全自助任飲！嘩😅實在過份喇！ 🥢 大閘蟹晚餐放題🥢 🦀 大閘蟹 🦀 蟹肉燕窩羹 🐣 金沙炸雞翼 🦢 燒鵝 🦪 蠔皇扣八頭南非鮮鮑 🥗 上湯花膠浸時蔬 🍚 大廚炒飯 🍮 桂花椰汁糕 🍺 汽水、啤酒、薑茶📌 第一次幫襯，星期日8點入場都未坐滿客，座位都幾鬆動，環境裝修就好一般，同富臨稻香個隻級數囉！人數明顯唔多夠，但服務又差喎，放題最緊要上菜快，100分鐘喎真係要爭分奪秒架嘛！安排入坐後，馬上開茶，9秒9上蟹肉燕窩羹、炸雞翼、轉頭經理已經推車推嚟幫客人補大閘蟹，新入客人就梗係優先派送啦！每人馬上分配到兩隻，全部公蟹目測應該有四兩半，色澤紅潤非常吸睛😍😍🦀 唔只蟹肥美，鮑魚都算大隻肉質仲好彈牙，友人好喜歡所以追加咗3次！ 🦢 燒鵝其實係本人嘅賣飛佛，可惜太遲先追加，賣晒加唔到！燒鵝都好好食，唔肥又唔死鹹，跟碗米粉俾我就好喇！事關個大廚炒飯認真唔掂，唔知係咪一早炒定，又放咗一陣先食，簡直就係乾硬化~🍮 甜品只係一般茶市成日食到嘅桂花椰汁糕，口感略為實咗少少，不過味道都算唔錯，清清甜甜！📍總括今次嘅用餐體驗，個人非常滿意，性價比可以話係超晒班！一定要約腳擇日再戰！盈翠軒🏣 廣東道33號中港城第五座平台樓層1-3號舖☎️ 37092288⏰ 10:00~22:30👇🏻👇🏻👇🏻👇🏻👇🏻👇🏻👇🏻👇🏻👇🏻📌旅遊網誌：http://travelermel.blogspot.com/ 📌Instagram：https://www.instagram.com/followme_lody/#JadePalace #大閘蟹吃到飽 #大閘蟹任食 #鮑魚任食 #海鮮放題 #尖沙咀美食 #tsimshatsui #hongkongblogger #hkfoodie #得閒食飯 #美露迪只顯示部分資訊
