早兩個月仲係#2人限聚 個陣去咗#銅鑼灣時代廣場 10樓嘅#greenhouse 雖然係星期六晚上，不過個商場異常咁靜，真係有啲心寒亦有啲心痛！商場為咗挽回人流，不斷推出消費券，都算有啲用嘅不過來來去去都係個幾間舖頭有生意囉！樓上咁多餐廳經附手電梯沿路上，大部份餐廳都係冇咩人幫襯。唯獨哩間Greenhouse仲要大排長龍！咁嘅環境仲敢行街仲敢出街食飯嘅，主要都係稍為年輕個班，自然就會揀番啲親民小小嘅西餐。環境都幾闊落，菜式真係好夠創意，中價路線主菜大概百幾蚊左右。味道方面雖然唔講得好好食，不過都唔錯嘅，特別適合2~4人用餐。我覺得最有印象嘅係啲飲品，十幾款選擇每款賣相都好有gimmick，非酒幣類賣$52/杯，都幾好hea！ Crab Caesar $148原隻炸軟殼蟹又炸流心蛋呀咁，賣相已經殺晒啦！ Tuna Tartar $88有配多士同蝦片，有吞拿魚細又牛油果醬，真係好適合同朋友一邊吹水一邊食！ Souffle 原味梳乎厘$118大大個口感又夠晒輕盈，不過服務員話要等45分鐘，都值得叫嘅！大家記住早啲嗌，唔好等到清晒檯先點囉！ Greenhouse地址：銅鑼灣勿地臣街1號時代廣場食通天10樓1004號舖電話：23834022營業時間：11:30~22:30旅遊網誌：http://travelermel.blogspot.com/Instagram：https://www.instagram.com/followme_lody/#銅鑼灣美食 #CausewayBayFood #timesquarefood #時代廣場美食 #hkfoodie #hongkongblogger#得閒食飯 #美露迪
