限聚不限食，2人限聚最後一天約腳食#buffet，事關放寬後應該仲難卜檯囉！想放肆大吃大喝可以揀#放題 或者#自助餐，兩樣都鍾意，不過有會比較想食#酒店自助餐 多啲，環境坐得舒服，食物安全相對可靠，話晒酒店出品質素點都好少少嘅！亦因為咁價錢都高啲，所以五百幾蚊以上嘅自助餐我都唔係咁想幫襯，除非有朋友叫到！咁貴跟本冇可能回到本，半隻龍蝦已經飽咗4成，樣樣食少少成餐飯都唔知咗啲乜已經飽到第二朝啦！ 今次發現哩間#灣仔NovotelCentury #富諾特世紀酒店 做緊生蠔鴨肝自助晚餐，Like專頁仲有6折，減價後連加一每位$369，酒店自助餐嚟講三百幾都算幾平，#DinnerBuffet有#生蠔 喎！餓咗成年好想食生蠔，所以拿拿臨約腳去幫襯。今日生蠔有美國又有法國，雖然唔係一流貨色，都算過得去啦！陰啲陰啲都俾我食咗6隻~ 長腳蟹係另一個賣點，中規中距唔會一陣雪藏味，又唔會太鹹太乾。加上又冇凍龍蝦食所以長腳蟹又食咗半打！ 煎鴨肝都好香口，配多士食又得，夾和牛漢堡一齊食又得，係油膩咗少少不過真係好好味！ 其他食物選擇一般般啦都過得去嘅！甜品方面選擇都ok多，蛋糕水果pancake都有，雪糕仲係MÖVENPICK飲品非酒精類有3款，啤酒都有，哩方面係走廉價路線！Le Cafe地址：灣仔謝斐道238號香港諾富特世紀酒店1樓電話：25989869營業時間：18:00~22:00旅遊網誌：http://travelermel.blogspot.com/Instagram：https://www.instagram.com/followme_lody/#Buffet #生蠔吃到飽 #香港酒店自助餐 #得閒食飯 #美露迪
