香港租金貴好多餐廳都轉開舊區，今日又試吓#深水埗美食 話時話深水埗又真係有唔少有實力又實際嘅餐廳，亦唔只得茶餐廳仲有東南西北菜都食到。計上次蘇媽最近又多間馬拉菜，哩間捌哥環境都唔錯，坐得幾舒服，價錢都好大衆化，幾抵食！招牌肉骨茶有好多選擇，咩都想要嘅可以叫「大滲」$128，「細滲」$68，又或者指定部位，一字骨、肉排、豬腳乜都食到！ 餐廳仲好慷慨，人人一碗免費肉骨茶、馬拉風味唔止色水深啲、藥材味都比較濃。都幾好味，蒜頭味唔會太嗆~ 肉骨茶(一字骨）$46 估唔到四十幾蚊竟然有3大舊肉排、你知依家啲豬肉有幾貴先得㗎，所以真係好抵食！不過舊肉排就唔夠鬆化 凍拉茶$20 茶味唔夠濃，差少少！ 鮮油咖央多士$28 街坊價勁抵食，多士得鬆脆，咖央醬唔太甜，牛油就細塊咗薄咗少少，不過個人覺得都ok冇咁邪惡！ 檳城豬肉卷$38 腐皮包著豬肉芋蓉再炸，雖然得3條，再點埋馬拉辣椒醬，唔太辣幾惹味！食一條都幾飽肚..... 捌哥.捌哥特色馬拉茶啡廳 地址：水埗汝州街188號地下 電話：2253 6911 營業時間：07:00～22:00 旅遊網誌：http://travelermel.blogspot.com/ Instagram：https://www.instagram.com/followme_lody/ #馬來西亞美食 #馬拉肉骨茶 #得閒食飯 #shamshuipofood #hongkongfoodie #hkblogger #美露迪
