Day 1: 釜山機場➡️Centum City Spaland➡️西面

<第一站 - Spa Land 스파랜드非一般汗蒸幕>

我搭釜山航空 0200由香港機場出發，0615左右到達釜山機場。因為太早落機，未check得in住，所以我地就計劃左去汗蒸幕休息下先 :)

我地係機場帶住疲憊的身軀同沈重的行李，沖左上2號巴士(開往海雲臺)。同司機講聲去Centum City 就OK。車程大約45分鐘左右。但係巴士唔會係商場門口停，要行幾步路，不過Centum City係大商場，所以好易搵到。之後行去商場側門會見到spaland 的logo（地鐵站12號出口）。

首先當然係要俾錢先啦，之後行上自動電梯，除鞋、搵番自己鞋櫃號碼就入得去。左邊可以將你個行理交比職員，再係右邊攞毛巾同，然後入去沐浴更衣。要懵豬光禿禿咁同其他人一齊沖涼始終都係唔係好習慣＞＜所以好快咁換番衫出去。呢到同一般韓劇的汗蒸幕好唔同，感覺上好grand、好乾淨、好靜、好大！

Running man ep82 都係呢到拍過嫁！

裡面有好多個唔到溫度的蒸氣房，由17℃到68℃都有，而且每間房都有不同的功用。戶外有足浴暖池，懵豬去個陣仲有d凍凍地，但對腳暖住一d都唔凍，可以坐係到同朋友吹下水。強力推薦！仲可以加錢做spa(不過有d貴，所以我地冇加到)，切合唔同人的需要。　

　　　小提示: 有d高溫房係唔可以帶電話入去嫁！可能會爆炸＠＠

坐凌晨機真係好攰，黎到呢到可以疲勞盡消！呢到有小食食，但甜米露就只係得樽裝 :(

蒸完想睇下電視可以上最高層，自己一人一部電視仔，睇哂韓國咁多個台，唔怕同人爭！

呢到浴室嘅設備真係好貼心，風筒、護膚、棉花等等，一應俱全，仲有電子磅同血壓機添！

地址：35, Centumnam-daero, Haeundae-gu, Busan（부산광역시 해운대구 센텀남대로 35 (우동)）

成人費用: 15000W 平日 18000W 週末/假日

每次使用時間: 4小時，過時要有付加費; 消費過1萬W可用6小時

營業時間：06:00~24:00，定期閉館日與百貨公司相同

服務電話：051-745-2900

做完SPA之後有D肚餓，就行左去食Beans Bins。講到韓國，除左KPOP出名之外，coffee shop 都係好出色！你知唔知到韓國人覺得點先叫一個完美嘅午餐？就係食完飯必定要飲番杯coffee拿，所以係韓國你會見到好多各式各樣嘅咖啡店或者果汁店。比較出名嘅連鎖式咖啡店有我去呢間Beans Bins， TOM&TOMS 同Angel-in-us coffee。

<第二站 - 西面正直的金先生>
阿妹選擇在住係西面，原因好簡單－超級方便！西面站基本上係連接住1、2號主線，係所有景點的中間點。另外，一落街就有好多野食，又有得shopping (有條好長的地下街，又有大型百貨公司LotteMall)！

我地放低D行李之後就出去搵正直的金先生。佢有咩特別！？最主要就係超人回來了大熱的三胞胎大韓民國萬歲都有食過嫁！！我地叫左一籠餃子，一份芝士飯捲。餃子味道偏甜，小朋友一定鐘意！芝士同咸咸地的紫菜都幾夾，唔錯！整體上冇大驚喜，但一試無防 :)

價錢: 餃子4000W 飯捲4200W
位置: 西面站7號出口，過對面馬路的後一條街，樂天百貨附近

成功發佈