爸媽淨係鍾意食中菜, 出街諗食咩真係諗到頭都爆.依間六公館長期係OpenRice最高瀏覽嘅首位, 所以今次就同佢地嚟試下. 我地4個都係叫Lunch Set B (HK$348/位)三文魚籽燒賣平時食嘅燒賣上面多數都係蟹子. 依個燒賣就特別少少, 上面係三文魚籽.入面有好大隻蝦, 蝦肉都好脆. 南翔小籠包賣相同味道都冇咩特別. 六公館黑豚叉燒依個叉燒肥瘦適中. 不過蜜汁好似濃咗少少, 味道偏甜. 但都係好食嘅. 松茸雪蓮子燉日本蘋果個湯真係真材實料, 除咗有松茸、雪蓮子、日本蘋果, 仲有原粒江瑤柱、雞肉&豬肉.味道好清甜, 完全冇味精. 雞肉&豬肉都燉到好腍.湯下面係有蠟燭㗎, 令到個湯可以keep住暖, 好正! 羊肚菌露筍炒帶子帶子好大粒, 外層煎得好香, 入面軟軟的, 好有口感. 露筍好爽.整碟餸都係偏重味, 但好好食. 野生竹笙浸菜苗依個波菜苗味道比羊肚菌露筍炒帶子清淡D.雞湯真係好濃郁, 成個菜都好好食. 桂花蟹肉炒新竹米粉裡面加咗炸江瑤柱&蛋醉, 所以食落好香口.如果蟹肉再多D就好喇. 桂花杞子配桃膠依個甜品甜而不膩. 有勁多桃膠, 食落有清清地嘅桂花味.依排天氣有少少乾燥, 真係好啱食依個滋潤甜品. 整體嚟講, 食物質素唔錯, 我覺得主菜係比點心出色嘅. 而且份量正常, 我同屋企人都食得勁飽.茶芥HK$28一位, 茶係好飲嘅. 我地叫嘅普洱係幾好飲嘅, 唔會苦或澀.另外, 佢個環境好靚. 店員安排咗我哋坐近窗嘅位, 完全係可以睇到一望無際嘅海景, 所以依餐飯嘅性價比都幾高.六公館地址: 尖沙咀廣東道3-27號海港城海運大廈地下OTE 101號舖打工仔旅遊日記IG: @e.travelogue返回
