下一站係...... 我地的下一站係... Ewha Womans University 梨花女子大學 (이화여자대학교) 有人話依間大學有好多靚女wor, 當然要黎睇下啦~ 可能今日係星期日, 所以冇咩學生. 雖然睇唔到靚女, 但依度就有好多靚景, d建築物好靚呀~~ 我忍唔住要係依度影返幾張靚相先. 我身後就係梨花校園綜合大樓 Ewha Campus Complex. 裡面好大, 有3層的, 同埋有好多個門口入. 不過通向圖書館同自修室的門係入唔到的, 要有學生證先入得. 我因為要借洗手間, 所以都入咗去行個圈. 低o個層入面有餐廳同埋便利店, 我見到有中餐廳呢. 依個梨花校園綜合大樓設計好特別, 外牆是玻璃, 裡面d學生做緊d咩, 都睇得好清楚~haha 同埋中間的樓梯咁長, 行上去唔知要幾耐呢? 個景咁靚, 做下飄浮女孩先. 我同Joyce黎到梨大, 都唔知行去邊度好, 依度太大了. 行行下, 發現有2隻特別的石像. 好似守護神咁, 唔知係代表D咩呢? 依度好靚呀. 我見到有人係度影畢業相tim. 如果我可以早d攞到畢業袍, 我都想係度影畢業相呀, 個景咁靚~ 好似去咗拍"Harry Potter"咁, 哈哈 每次見到依種建築, 我都好開心. 香港的大學好少見到, 至少我間大學係冇ge. 我諗, 如果我可以係度讀書就好喇. 我有d大學同學揀咗黎依度做exchange student, 佢地係度讀得好開心, 特別係男同學. (我都唔知點解男仔都可以黎依度exchange, 真係開心死佢地啦~哈哈) 行行下, 又落雨了. 不過我都係要影影影, 拍低d靚景. 太陽開始落山了, d雲顏色好靚. 行到餓了, 係時候行返出去食嘢喇~ (待續......) 景點資料: Ewha Womans University 梨花女子大學 (이화여자대학교) Seoul Seodaemun-gu Daehyeon-dong 11-1 (首爾西大門區大峴洞 11-1) 開放時間: 06:30 - 22:00 Website: http://www.ewha.ac.kr 交通: Metro 2號線梨大站2,3號出口出 直行徒步5分鐘 ----------------------------------------------------------------------------------------------------------------------------------- 下面我新開的Facebook Page, 希望你會給我1個like啦=] // 打工仔旅行日記‧E's Travelogue // ----------------------------------------------------------------------------------------------------------------------------------- E-mail: // tiffanytoyi@hotmail.com // Facebook: // Facebook // Blog: // U Travel // BeautyLife // Blogspot // FnB // Y!Blog // Qooza // TheZtyle // ESDlife // Elle // Wordpress // Yam // MySinaBlog // -----------------------------------------------------------------------------------------------------------------------------------
