唔經唔覺, < 尋找Oppa之女 > 又到咗第4日. 今日去邊呢? 睇依張相, 大家又估唔估到呢? 我地今日係去新村(신촌)影相+Shopping. 去新村都好方便, 由酒店附近的Metro乙之路4街站搭2號線, 7個站就到新村站喇. Shopping之前, 去食下嘢先. 首爾街邊有好多小食檔, 賣得最多的係依種辣醬炒年糕. 我今次除咗買辣醬炒年糕同炸雞各一半試下. ($1,000 won) 都幾多人買ga. 有得食喇~ um...我個人就覺得唔係咁好食. 雖然係熱辣辣, 但d炸雞有d硬, 而d炒年糕味道都ok嘅. 行行下, 發現一間好靚的教堂. 同附近的建築風格好唔同. 淨係食炒年糕點夠飽呀?! 所以我同Joyce就搵咗一間餐廳舒舒服服食個Lunch喇. Korean Restaurant Sinseon Seolnongtang 神仙雪濃湯 (신선설농탕) E~鐵盒裝住D咩呀? 原來係泡菜~ 每盒泡菜的味道都唔同, 同埋每張枱都有一把剪, 方便係剪開D泡菜. 初時黎韓國覺得d泡菜好辣, 而家黎咗幾日, 已經唔覺得辣喇, 反而覺得好好味tim. 依間餐廳最出名係牛肉湯, 雖然我唔係好食牛肉, 但見咁出名, 都要試下先. 我地見其他枱的人淨係點牛肉湯, 我心諗: 唔得! 我要特別D! 所以就叫咗依個. Tteokguk Seolleongtang ($7,500 won) 配埋白飯的~ 上枱的時候仲係"po po"聲ga, 好熱. 依個Tteokguk Seolleongtang有咩咁特別呀? 其實個湯底都係牛肉湯, 不過就多咗年糕片. 湯面有紫菜絲同埋蛋絲, 仲有牛肉絲tim. 好唔好食? 我覺得好好食呀, 冬天的時候食就岩晒喇, 食完立即暖晒. 我鍾意將d飯倒晒落去食, 好似湯飯食法, 真係好好食. 食飽飽, 要去行下喇~ Nichkhun呀!!! 我地入去睇下眼鏡先. d眼鏡係幾靚的, 不過價錢就... 我地又向前行, 行去我地下一個目的地. 沿途d商店都幾靚. 睇個外觀, 完全睇唔出係Hair Salon囉~哈哈 沿路都有好多小食檔同埋賣衫檔. 唔好以為係依D檔仔買衫會平D喎, 其實價錢可能仲貴過係商場買... 依條街有好多賣衫的鋪頭, D衫質料好好, 而且唔貴, 最平可以有$10,000一件. 哈哈, 所以我係依度有好多收獲~ 掛住Shopping tim, 而家係時候要走喇, 如果天黑, 影相就唔靚喇~ 我同Joyce下一站去邊? 賣個關子先. 景點資料: Korean Restaurant Sinseon Seolnongtang 神仙雪濃湯 (신선설농탕) 5-38 Changcheon-dong, Seodaemun-gu, Seoul 營業時間: 24小時 Tel: +82-2-393-0040 Web-site: http://www.kood.co.kr/ ----------------------------------------------------------------------------------------------------------------------------------- 下面我新開的Facebook Page, 希望你會給我1個like啦=] // 打工仔旅行日記‧E's Travelogue // ----------------------------------------------------------------------------------------------------------------------------------- E-mail: // tiffanytoyi@hotmail.com // Facebook: // Facebook // Blog: // U Travel // BeautyLife // Blogspot // FnB // Y!Blog // Qooza // TheZtyle // ESDlife // Elle // Wordpress // Yam // MySinaBlog // -----------------------------------------------------------------------------------------------------------------------------------
