好耐無寫食評啦~ 難得最近有時出街食,又係時候 Update 下個 Blog 先 今次去左奧海城既自家烏冬度食 Dinner 個肚仔唔係好餓,所以就決定叫兩個小食 + 一個烏冬 先來個牛油焗帆立貝 ($35) 帆立貝同菇既分量竟然接近 1:1 帆立貝唔夠新鮮,同埋好似食落去比較硬身,大家見唔見到有隻仲變左橙色 咁樣都拿得上桌上,真係服左佢 D 菇反而仲好味過個主菜,真係主角同配角大換位 我個人比較喜歡魷魚,所以見到有章魚小丸子 ($28) 就即刻要 Order 6 大粒,相比起上次係天水圍新北江商場度食差好遠,真係一分錢、一分貨 第一,個粉唔會過好厚 第二,係食到有粒章魚的 第三,個燒汁、紫菜、木耳、沙律醬既份量都配得好好 最後就食個主菜: 牛肉鮮茄湯烏冬 ($44) 烏冬比較硬身,有點似未煮熟咁..... 個蕃茄湯 OK ,但牛肉無牛味,應該係之前雪得好勁,失望!!! 牛牛評分: (10個滿分) 店舖地址: 奧海城商場二期高層地下UG50號舖