English Recipe: https://tonykarenkitchen.blogspot.com/2021/02/souffle-pancake-burger.html 梳乎厘班戟我之前做過完全唔榻版本😎，不過太太覺得唔夠好食😅，因為唔塌原理係我用長時間將蛋白完全煮熟，質感會似輕身版嘅紙包蛋糕🧁，太太的要求，係要入口就化開，好似空氣包那種 有求必應是我本色😎，我一早諗住再出過『真。梳乎厘班戟』🧐，咁啱，同會長閒談間見到佢話香港有梳乎厘班戟漢堡，我二話不說，當然要研究下，要出食譜同大家分享😁 我基本功就有，所以一整就整到🥳️，唔難，今次我研究到加入粟粉，果然梳乎厘班戟煎好仍然保持好厚身😍（當然都有縮少少，但唔係唔多） 我太太試食時已經話正😍😍（佢平時係唔會讚），所以大家跟住整，一定會整到好食，不過有2個難題要大家自己解決😵 第一，我唔知你識唔識打發蛋白，唔識有可能做唔到😅 第二係火力，之前阿敏，ANGEL已經話就算細火都好快燶🔥🔥，所以大家一定要掌握好個火力，必要時甚至要熄火焗一陣先開返火，唔得就要試多幾次啦 出食譜時已經接近情人節🥰️，大家睇完記得要試下，情人節做呢個甜品，無論整比你心愛的人吃，定係比自己食都好，都一定會好開心😻😻😻 做法 Video: https://youtu.be/eaAfzDSeHOw ⏱準備時間：15分鐘🕐烹調時間：15－20分鐘 材料好做2個梳乎厘班戟漢堡 [按下圖片放大] Group A 2(40g) 蛋黃 10g(1/2 tbsp) 菜油 10g (1/2 tbsp) 牛奶 [fig1] 5g (1tsp) 砂糖 30g 低筋麵粉 [fig2] Group B 2(60g) 蛋白 1/2 tsp 他他粉 [fig3] 2.5g(1 tsp) 粟粉 [fig4] 30g (2tbsp) 砂糖 適量生果（例如士多啤梨，芒果，藍莓，香蕉） 忌廉 100g 淡忌廉 [fig5] 20g 糖霜(或15g 砂糖) 1/4 tsp 雲呢拿油 [fig6] 做法[詳細步驟請看短片] Video: https://youtu.be/eaAfzDSeHOw 1 將Group A 材料攪勻 2 蛋白加入他他粉，粟粉，砂糖分開三次加入，打至乾發性，堅挺起勾 3 蛋漿和蛋白混合好 4 易潔鑊先用慢火預熱5分鐘 6 將一半粉漿，分成4份，放入鑊煎30秒，再將餘下半份分開4份，加上每個梳乎厘班戟上面 7 蓋上鑊蓋，用慢煎5分鐘 8 反轉，再蓋好蓋，用慢煎4分鐘，放涼 9 淡忌廉，糖霜，雲呢拿油打發至堅挺起勾，生果洗好備用 10 每個梳乎厘班戟加上打發好的忌廉，圍上生果，再蓋一個梳乎厘班戟先漢堡即可 重要事項：
