1: Fram Museum> Kon Tiki Museum> Viking Ship Museum （多圖少字） 食完野就施施然地搵車搭，去我地第一個目的地 話說係度搭巴士真係好多人搏大霧，唔會俾錢嘟卡 當然我地有買到任搭既Pass，但想掃QR Code都冇得掃，因為佢得NFC 會唔會查票？我地去三日，搭左好多轉，巴士又搭電車又搭都冇查過 不過我個人黎講就比較保險啲……就算搭百次有一次有查就會GG，罰千幾 據聞這些雕像為當時極地探險隊既成員 Fram Museum http://www.frammuseum.no/ Bygdøynesveien 36, 0286 Oslo 係極地船展館黎既，其實就唔係市中心，搭30號巴士就去到 行車時間廿分鐘左右，Fredriksborg站落，然後要行十分鐘多啲 呢艘船就係館名既Fram，係1893-96、1898-1902及1910-12三度出行 另外仲有Gjøa同Maud，但就冇細究，亦都冇去睇了 其實就可以入去睇下既，裏面除左睇到船既結構外，仲有唔少展品 啲門就真係幾細個下既，而樓梯梯級都係窄小，叫人不禁想像當時啲人既體形…… 不意外地見到好多動物頭及毛皮之類，覺得太殘忍既話就算啦 畢竟要諗下當時係成百幾年前，唔係搵呢啲保暖，你估真係個個高登仔咩？ （能絕對零溫……） 大量模型擺設、文字說明加影片介紹之餘，仲有個好似好神秘會驚驚既房間 冇影相但有拍片，實情除左凍同細之外就冇咩感覺 不過入面就有模擬乾屍既擺設，大致上可以當模擬番當時既境況 而展館地下那層也設有遊樂設施（大人細路版均備）、咖啡廳及禮品店 順便去附近的Kon Tiki Museum http://www.kon-tiki.no/en/ 基本上向右上方直行就到，只是一兩分鐘的距離 今次既係Thor Heyerdahl係1947年橫越太平洋既輕木船，同場有唔少復活島既擺設 因為佢有參與到復活島既考古工作，雖說重點似乎還是那船 下一站係差唔多區域既博物館，本想搭番30號巴士出去 基本上出到去個站等車都要一段時間，企左陣，最後都係11號走路罷了 Viking Ship Museum http://www.khm.uio.no/ Huk aveny 35, 0287 Oslo 雪地上走路比較慢，預廿分鐘路程就差唔多 30號巴士附近有站落，之後再行少少路就得，但因為我地要去Fram就冇中途落先…… 分為Gokstad、Oseberg及Tune三部分，館藏主要與維京人的時代有關 船就係當時佢地重要既出行工具，詳情就唔多講啦自己上網搵都有唔少資料 有Oslo Pass呢幾個館都可以免費入，其實計計埋埋係抵番六百幾蚊 通常入一個館我諗都幾十至一百，如果計埋72小時任搭既話都抵玩 離開時天色漸暗，只係下午四時多，點解咁清楚？因為普遍啲館只係開到四點……
