Day 7: 甘川文化洞>竹城教堂>Spa Land 甘川文化洞以小王子同繽紛o既壁畫最出名, 好多黎釜山o既旅客都會去; 竹城教堂係一座建o係海邊o既教堂, 雖然交通比較麻煩, 但景色真係一流; 夜晚去左Spa Land, 佢係一個o係市區o既汗蒸幕, 雖然價錢比上次去o係海雲臺o既Hill Spa貴, 但設施就比較多 有左前一日排長龍煮早餐o既經驗, 我地今日特登早一個字7:55am上黎, 雖然冇咁多人, 但都係有前一日煮得勁耐o個幾個人排頭位(一個人都食幾隻蛋同火腿-,-) o係等o既過程中, 我就順便寫下之前買o既postcard 食完早餐, 就搭地鐵去土城站再轉小巴黎甘川文化洞, 土城站連條樓梯都充滿文化色彩 黎到已經9:35am, 所以都有唔少人到左 五顏六色o既小屋係幾靚o既 我地沿住石屎路行近去七彩小屋, 沿途都會有好多壁畫 亮點之一係d膠水樽都做埋擺設一部份 成個甘川文化洞就似一個U型, 我地會由一邊行去另一邊, 對面就係我地頭先落車o既地方 哩幅壁畫前面有張木凳, 好多人就o係度排隊坐o係張木凳前面影相 但識影當然係坐o係哩架電單車上面影啦 其實我身後係有一炸人等上哩條樓梯 影返落去樓梯下面 又係另一個排長龍影相位, 好彩都唔算等左好耐 甘川文化洞唔係好大, 慢慢行慢慢影, 個半鐘倒就行完，而哩個先係甘川文化洞o既入口, o係哩個牌對面就有小巴出返土城站 行完甘川文化洞, 我地就搭地鐵去西面站哩間古早味炸醬麵食lunch 哩度個menu非常簡單, 一頁睇晒 上面係海鮮辣湯麵, W5,000(HK$35), 下面係炸醬麵, W4,000(HK$28), 炸醬麵唔係想像中橙紅色辣o既, 而係用黑豉油整, 甜甜地o既 食完炸醬麵, 就去Issac Toast W2,600(HK$18.2) 食完Issac Toast, 我地就搭地鐵去機張站諗住轉6號小巴去我地下一個景點-竹城教堂 首先本身機張站行去小巴站都有一段距離, 我地都花左唔少時間先搵倒, 因為原來個站係完全冇寫6號小巴o既, 只得哩張時間表, 所以我地問左好多個人先搵倒個站 其次網上亦冇哩架小巴o既時間表, 即使黎到睇倒, 其實我地都唔識睇, 後來有人話我地知要等大半個鐘先有下架小巴, 但冇辦法, 都係唯有等 附近又冇乜地方行, 所以唯有o係便利店買兩枝雪條食住等 兩枝Hershey's雪條都好濃朱古力味, 分別只係出面個脆皮有冇花生, W1,800/條(HK$12.6) 等左好耐終於等倒架6號小巴, 車程其實好短只係10mins, 但因為要上山而且冇燈位, 所以雖然只係10mins車程, 其實都已經好遠 哩度都有好多壁畫 穿過頭先o既小巷, 終於黎到竹城教堂, 因為花左好多時間等小巴, 所以黎到已經15:15, 好彩仲未收太陽, 不過可惜教堂外有圍欄 教堂就o係個小山丘上面, 旁邊係一望無際o既大海, 景色真係幾靚 哩度d人都好有禮貌, 會識得排隊影相, 哩個好明顯又係排隊影相位 因為知道下一班回程o既6號小巴係1個鐘之後, 所以我地都要爭取時間1個鐘內行完, 早少少行返去小巴站, 如果miss左, 又要等多1hr 搭返小巴出機張站, 我地就轉地鐵去Centun City, o係Centum City站一出就係Spa Land Spa Land係一間o係市區o既大型汗蒸幕 因為Spa Land o係市中心, 交通極之方便, 所以雖然冇海景睇, 但價錢都比Hill Land貴, W18,000(HK$126)只可以逗留4hrs 衫褲顏色都比較沉 不過門面就非常有氣派 溫泉池冇乜得別, 都係有幾個唔同溫度o既池俾人浸, 最大分別係common area, 因為哩度有好多唔同o既躺椅俾人訓o係度 哩張梳化真係正 亦有收費按摩椅 佢仲有個室外浸腳區, o係門口位仲有大褸借俾人著 因為仲要食晚飯, 所以我地都係o係Spa Land逗留左2hrs就要走, 之後就黎李夏亭醬蟹 聽個名就知哩度係出名食醬油蟹, 佢另外仲有辣蟹同醬油蝦食 叫左一個醬油蟹同一個辣蟹套餐, 每個W25,000(HK$175), 有咁多野食都算抵 醬油蟹都幾多膏, 好好味 辣蟹太多醬, 食得有d狼狽, 而且辣味都蓋過蟹鮮味, 都係蟹油蟹好食d 原來蟹油蟹套餐都包左2隻蟹油蝦, 都幾好食 又偷偷地帶左枝燒酒入黎, W1,600(HK$11.2), 哩隻味有d似藥水, 麻麻地 食完都係有免費咖啡架 食完蟹油蟹, 搭返地鐵返南浦洞, 又黎哩間雪冰食韓式刨冰 旅程第一日本來諗住黎食, 後尾因為趕巴士所以冇食到, 前日去左西面站分店, 但因為有太多口味, 所以今日有時間再黎南浦洞分店試下其他味 哩個朱古力布朗尼雪花冰睇個樣就知好食, 雖然個冰底唔係奶冰, 但上面超多朱古力醬同朱古力粉, 食到最尾都係好重朱古力味, 正呀, W8,900(HK$62.3)
