D15: 首爾->兒童大公園->江南地下街->首爾->香港 峨嵯山的hostel其實就o係兒童大公園隔離, 通常d人想o係首爾市內影紅葉都會揀哩度或者首爾大公園, 但可惜今日天氣太差-,- 哩度的確係有唔少紅葉, 但天氣真係太差, 睇返網上d相, 哩度春天仲有櫻花tim 冇野影唯有影下羊 之後就去左傳說話好多野行o既江南地下街, 不過都冇想像咁多野行, d衫依然睇唔o岩, 極速行完, 究竟邊度先有gmarket d靚款呢?! 仲有大把時間, 本想找間cafe hea, 出面又落大雨, 諗住在地下街睇下有冇cafe, 唔係得外賣, 就係冇野食淨得coffee, 最後都要上地面行左2個圈, 見倒哩間的brunch好吸引就入來, toast好好食 仲要收倒wifi, 又平過三清洞, 才₩14,600 哩度係要自己出去點餐, 再佢送過黎的, 但只有最頂的水牌show的幾款食物, 有相睇, 同有英韓文, 其他的在menu都只有韓文冇圖, 見佢有smootihe, 但下面show的幾款全是韓文-,-問佢有冇choco, 佢話冇, 再問佢咁有咩款, 佢真係用英文逐款講我知但全部係d berry, 所以最後揀左moccha算 食完回去hostel執埋行李就搭地鐵出機場, 轉車時, 去到黔巖站, 話哩班車哩個係尾站, 唔去仁川, 叫d人落車, 急住落車拎少袋行李落車2mins後已發現, 但車都走了, 同站內staff講, 佢叫第2個站的人上車睇, 都唔見有個袋, 話班車1hr後會返返黎, 見大把時間就等埋佢, 車來了上到車都係冇的問staff如報警claim保險應o係哩度定機場, 佢話哩度d警察英文唔好, 叫我去機場, 去到機場, 超多人辦登機 同地勤講, 好彩佢突登開左條隊俾我搞登機先, 再仆去辦報失, 問個staff邊度有警察, 佢話唔洗, 叫我o係佢度填張form就得, 由於入境時過關超慢, 填完form都即刻仆返去安檢出境, 連退稅都冇時間加冇心情搞了, 袋內有相機仔同厚外套, 幾百張相冇了飛機內超凍, 除了每人一張毛氈, 再問佢拎多條包住全身, 可能隔離d人以為我發冷
