D10: 井邑->內藏山->井邑->首爾 今朝一早出左171巴士站, 搭6:25去內藏山的巴士(車程35mins, ₩1,300), 全車就只有我同另一個男人, 落車後我走到地圖前睇下點行, 同巴士個男人用英文同我講左句唔知咩野, 我因為之前聽倒佢自言自語講廣東話, 就同佢講:"我識講廣東話的" 原來哩個香港uncle同我係用同一款相機, 連鏡頭都一樣, 我地就幫大家影相, 先有d碩果僅存o既個人照 哩段路已經係比較多紅葉了, 可惜今日陰天, 影出黎都唔靚的 遠處哩個就係香港uncle 經常o係人地相集見倒d好靚o既光線, 終於俾我遇倒了 哩段路仲未係好難行, 只係一直上, 要較多體力, 話咁快已經連香港uncle的尾燈都見唔倒 哩段路一級級已經好易行, 之後都是泥路, 要手腳並用爬, 但上山唔覺咁斜, 望返落去就好斜, 心諗, 如果想返轉頭o係度落返去都死 (但之後落山條路原來仲衰過哩條路) 7點由入口開始行, 10點終於上到黎 慶幸上到黎天色很好, 不枉我咁辛苦上黎 我今日行的路線 由於香港uncle已經上左黎一段時間休息夠, 佢話佢要行上面遠d條路落山, 叫我行中間短d條路, 臨走前仲講俾我知o係邊條路行 祖紅色線係最難行的, 而短d o個條就有祖紅色, 都有想應否行遠d o個條, 但路程多一倍, 所以最後食埋個飯團休息夠, 都係揀左短d o個條路落山 痴鬼線, 又話落山, 點解仲有咁多上山????? 行左一陣, 見倒條路向上, 心諗唔係落山咩?! 又見倒隔離有2條疑似路o既路, 係落斜的, 唔知行邊條, 周圍已經冇晒人, 勁驚, 行返轉頭幾步, 祈返個禱, 再睇真d, 最似有人行過都係上斜o個條, 行下行下, 終於肯定係行o岩左, 有時仲見倒遠處有人上山, 但就算知道行o岩左, 都係要用自己對腳黎行, 有d好斜的石, 要手腳並用咁落, 有d仲衰, 係泥地, 附近的樹枝都係好幼, 同埋得d碎石借唔倒力的, 坐低慢慢跣落去又驚一野跣得太多, 所以行得極慢 My Jesus my God, 13:30終於平安落到黎, 簡直係仿如隔世 落返黎有陽光, 紅葉都靚好多, 不過真係好多人, 仲聽倒好多廣東話 本來係諗住搭13:45的171巴士返井邑, 返旅館執埋行李, 就可以搭14:44的火車返首爾, 但趕唔切, 行到171巴士站已經2點幾, 最後唯有搭下一班15:50的火車返首爾(車程3hrs 40mins, ₩18,000), 本來仲約左個今日抵達韓國的fd食宮廷宴, 仲約好在餐廳門口等, 可惜我出地鐵已經9點幾, 加上黑晒都唔知點行去, 問路人又指錯路, 都係返hostel算, 返到去都10點幾, 諗住落街求其食個快餐都閂門, 最後o係便利店買個3文治食算
