D6: 求禮->稗牙谷(智異山)->求禮 一早出返巴士站搭6:40的頭班車去稗牙谷(₩3,000, 車程30mins), 落左車唔知行邊個方向, 就問唯一的另一個乘客, 諗住佢都係哩個站落, 都應該係去同一個地方, 原來佢係星加坡人, 不過都識講廣東話的, 就一齊行上山 據這個星加坡人所講, 巴士應o係售票處停車, 但唔知點解而家架車行入左, 仲慳左₩3,200的入場費tim 點擊圖片放大 沿路都係行哩d路, 有d石級頗大級, 唯有手腳並用 星加坡人同沿路撞倒的2個韓國人都行得好快 , 我想慢慢行慢慢影, 就叫星加坡人唔洗等我 點擊圖片放大 +12 哩條鐵橋好穩陣冇搖的, 所以一d都唔驚 點擊圖片放大 影返過橋的對面 點擊圖片放大 +3 網上資料話哩條路線往返係要7hrs, 行左約2hrs去到一個瀑布位, 又見返個星加坡人, 原來佢已經行完行返轉頭 (事後佢話佢都冇行到最尾就折返)就問佢前面段路d景靚唔靚, 佢話普通, 隻腳又痛, 所以我都冇再行, 休息陣就一齊落返山 原路落返巴士站, 星加坡人話燕谷寺就o係下面, 見時間尚早, 就落埋去睇下, 仲少野睇過華嚴寺, 話咁快就行完一圈 行完搭返巴士回求禮(可能搭少左站, 回程只需₩2,700), 星加坡人當日就搭巴士回首爾, 而我仲會o係度住多晚, 趁未有巴士, 就一齊食個lunch, 當時係2點幾, 好多食店都午休 , 好不容易才搵倒間食店有野食, 叫左唯一有供應o既泡菜鍋 (₩7,000) 同星加坡人分開後, 路經藥房, 再買多包止痛膏布頂住先, 趁有wifi翻譯定止痛韓文佢睇, 其實都唔知佢明唔明, 佢俾左某隻膠布我, 聞落有薄荷味, 都唔知有冇用 , 姑且貼住先, 哩度食店不多, 又唔想再行, 晚餐都冇出去食, 食埋今日帶上山諗住食冇食到的飯團就算
