D2: 束草->雪嶽山->束草->江陵->珍富 一早睇左頭班7-1巴士應該係6:30am, 但就唔知佢6:30去到邊個站, 加上尋日等7-1巴士情況, 發覺佢都唔多跟班次時間, 所以早少少6:15就出到黎, 2邊碼路已泊滿旅遊巴, 亦聽倒好多人聲, 準備上車搭去雪嶽山 等左一陣都唔知幾時有車, 之前o係網上地圖計過路程應該行30mins就到, 就行上去好過, 反正都係一條大直路(最後行左40mins先到, 仲要行左5-10mins已見倒有巴士經過), 一路行o既途中, 已見一車車旅遊巴操入去, 行到一半, 仲塞塞地車tim, 唔係掛, 7點未夠去到入口, 竟然已經有200人 買左門票(₩2,500), 行冇幾耐就到個纜車口, 已經有過百人排緊隊 , 因為冇諗住坐纜車, 所以繼續前行 入口行冇幾耐就到新興寺 有好多婆婆o係佛前跪拜 好多個寺都有哩d板俾人寫野 以我咁多日所見, 韓國都係9,10點先開始有陽光, 太早好厚雲, 但遇著weekend超多人, 真係唔早唔得 點擊圖片放大 +8 耐唔耐都會見倒松鼠, 不過其實之後個個山都會見倒 點擊圖片放大 +2 哈, 哩度都興哩d馬泥堆 (西藏都有好多) 因為今日行完山, 就會去第2個鎮住, 所以預計12點1點就要出返旅館走, 唔預登頂, 都係行d短路線, 事前淨係知咩路線行幾耐, 但冇留意邊段人地話多紅葉, 不過前一晚香港阿姨話千佛洞溪谷o個邊多, 就諗住去, 但我手頭上網上print o個張地圖得中文, 但佢個地圖就得英韓, 就搵個後生d o既問, 佢地景點o既中文名都識睇, 我俾我張地圖佢睇, 佢就o係地圖度指返即係邊個韓文/英文, 我睇路牌好易就搵倒路 而家時間係9點, 已經有幾百人o係個山度 點擊圖片放大 +5 哩度好多路都係哩d鐵造o既行人路, 一有人行過就勁震, 基本上落腳架都冇用, 中間仲有窿, 我就係o係哩d路跌左個鏡頭蓋落河, 好彩帶左塊cheap漸變鏡過黎, 就用佢蓋住先, 2日後終於買返個鏡頭蓋 唔知係咪我上得唔夠高, 定今年真係遲左, 網上又話而家雪嶽山已到紅葉盛紅時期, 紅o既葉係好紅, 但紅葉就唔多, 10棵好似得1,2棵係紅, 都唔知係咪有d根本唔係紅葉o個隻種 點擊圖片放大 +13 其實我都唔知哩個係咪千佛泀溪谷, 佢又冇牌, 不過都差唔多時間回程, 所以o係度影幾張, 就原路回程 冇野做, 橫掂帶左個腳架黎, 就開個腳架黎玩下 點擊圖片放大 +2 10點倒就原路回程, 12點就出返旅館執埋d行李, 就搭返7-1巴士出市外巴士站, 搭巴士去下個鎮 哩度係珍富, 因為哩度搭幾個字巴士就到聽日要去o既山, 所以今晚就o係度住, o係束草市外巴士站, 要搭巴士去江陵(₩6,300, 車程1hr), 先有車轉去珍富(₩3,900, 車程30mins) 其實成個行程, 得首爾同束草o既住宿係有得book, 其他都要去到先搵, 一早o係網上地圖睇倒哩個鎮motel唔多, 但知motel位置, 就逐間行去問, 問左2間都話冇, 黎到哩間第3間終於有房, 睇過房ok, 價錢ok(₩40,000/晚), 都廢事再搵, 之後先問佢有冇wifi, 冇, 不過夜晚又偷倒wifi, 但唔穩定(哩個鎮o係條街度, 好似個個位都有wifi, 勁!!!) 小鎮6點幾已經好似10點幾咁, 間間食店都冇人, 好似就收咁, 求其入左一間, 內有食物相, 有烏冬, 我就指住叫哩個, 點知真係得烏冬, 乜都冇, 就叫多個kimbap, 才₩4,500 食完就去左附近一間都算o大既超市買定第2朝早餐, 買左個donut, 見倒大大枝1L o既桃汁先₩1,000 就買了, 夠飲2日
