為了今次旅程，我籌備了一個月。為左我媽咪，Aunt，同埋男朋友玩得開心，係值得ge! 今年我想o係異地跨年，所以有了冬天快走越南 haha 我地3個孭背囊，一個帶gip,由於要移動多個地方，我地盡量少買野，手信安排到比較後的日子。 行程： 12/31 香港->河內 [住宿3晚：Quoc Hoa Premier Hotel & Spa] 01/01 下龍灣一日遊 （透過網上TheSinhTourist) 01/02 陸龍灣一日遊（透過網上TheSinhTourist) 01/03 河內市內一日遊 01/04 河內->峴港 （搭內陸機 Vietjet)，市內半天遊 [住宿1晚：Raon Danang Beach] 01/05 峴港->會安 （下午3點到） [住宿1晚：Hai Yen Hotel] （天氣關係沒有去巴拿山） 01/06 美山聖地半日遊，搭巴士去芽莊（6pm巴士） [睡巴士] 01/07 芽莊（5am到達）->市內-> I resort [住宿2晚：Maika Hotel] 01/08 Vinperal 珍珠島 01/09 坐巴士到胡志明市 [住宿2晚：Awesome CBD Luxury Apartment] 01/10 胡志明市 01/11 胡志明->香港 ×××××××××××××××××××××××××××××××××××××××××××××××××××××××× 12/31 香港->河內 為左慳旅費，機票錢一定要慳！我訂左JETSTAR的去程航班，（香港時間13：25起飛，越南時間14：25到達，約2hrs到河內）只有一位加行李15kg, 4個人的機票只係2281 （每人600有找！）雖然係廉航，但航機都幾舒服。可以另外訂購飛機餐，但我地一早打算上機前會o係香港機場T2食午餐，T2食野比較平，哈哈。 注：由於廉航多數會o係離客運大樓比較遠的停機坪停泊以省停泊費，由T2出發到閘口2xx號，最好預半小時。離境的海關需要排隊，等候無人駕駛電車都需要時間。 ---很愉快地度過機上2小時---- 到達內排國際機場，第一件事係要做落地簽證。 我預先在家做電子簽證，網上有好多唔同價錢的代理，最貴我見到係USD 19,我當時（12/27）選了最平的一個， 只需要USD 6。價錢唔同，但效果一樣。我上網爬文，睇過冇乜失敗的例子（不敢說冇，可能係我搵唔到orz) http://www.cheapvietnamvisa.net/ 2日後，我就收到email,附件係一封授權書（Letter of Approval），名單上不止你一個，仲有其他同一日出發的人，email仲有一個連結，係越南入境form，出發前，記得帶定：Letter of Approval（4個人可以share一份,一定要一齊叫），入境form (最好預先print好同填好，可以慳時間！）,1張近照 (網上說需要兩張照片，但一張就夠，另外，我媽的照片唔係近照，同護照張相一樣，好幾年前的xd,但都pass），最重要的係攞返passport時比的USD25（曾聽過冇相的都可以過）。 入境河內時，幾乎冇人排隊做落地簽證，woohoo~~好快就搞掂～～ 攞左行李，就係要唱錢的時候了！ 建議O係出黎之後向左行，左邊換錢比較平，要小心睇清楚洗唔洗收commission fee（右邊的就係！！！）左邊的exchange rate其實差不多，自己比較下就ok。 電話卡 我地有兩張電話卡o係深水埗買,另一張就o係內排機場買，USD9, 有效期1個月，冇電話號碼。下面的圖係香港買，HKD70一張，15日有效期，可以打電話（12日裡面，打過3次電話：兩次坐GRAB，一次係珍珠島玩） 由於我係The Sinh Tourist網上訂行程，要出發前一日到河內分店確認，我選擇住o係老城區，搭86號巴士就會到老城區（機場行出去過馬路，經過taxi，向左望就會見到），當時等左大概15分鐘左右。上車之後，有個售票的姨姨會行過來，一個人30K車費,我一直開著google map,大概30分鐘 就到市內，我俾我的住址售票姨姨睇，佢會話你知咩站落，之前仲擔心梗會唔會早左定遲左落車。我落車果度好近The Sinh Tourist （64 Tran Nhat Duat St)，一條街行就到。 86號巴士到老城區，30K一位 巴士車廂環境 如果你帶gip,要有心理準備，行人路都放滿左電單車，路會凹凸不平。 本身打算要出去倒數，但第二朝早起，就o係酒店休息。夜晚行老街。 越南BBQ 晚上認識越南盾 2017年最後一天，就在越南度過和結束。
