徳の宿 ふぶ庵 今次要極力推介九州別府縣的一間溫泉旅館---徳の宿 ふぶ庵。 Website: http://fubuan.com/ 網頁圖片 去日本浸溫泉，最好就係係房間入面有私人溫泉，甘就可以有多d私隱度，而且隨時亦可以浸，好舒服。 呢間溫泉旅館性比價非常高，住了一晚覺得有點不夠的感覺。 地理位置及交通： ふぶ庵同別府JR站都有一段距離，是一定要用交通工具才能夠到達的。 地址：大分県別府市春木１組－1 電話： 0977-75-8950 （日本國内電話，由香港打出就要打國際電話） Taxi: 從別府JR站大約十五分鐘車程 Bus: 從別府JR站乘搭24號巴士，在古寺站下車，徒步行三分鐘就到達了（一定要查看巴士時間表喔） 自駕游：從不同地方出發有不同的路綫，最好就係根據GPS指示喔 紅點顯示溫泉旅館位置，別府車站在右下方 房間類別： 呢間旅館衹有七間房，每一間房都是獨立屋來的，私隱度高，唔會比隔離左右影響到。 獨立屋形式的酒店房 有四棟屋係兩層，有三棟係一層，當然入住人數同埋價錢會唔同啦 （有時做promotion會是一樣的）! 而我當時就入住了一層的房間，個名叫【和德】。 【和德】 入面都係傳統日本Tatami來的，日頭可以有臺食野飲野，夜晚就可以舖床訓。 主要活動和睡覺地方 房間還有一個好似露臺的地方，但是仍然是室内來的。打開露臺門就可以直出室外的露天溫泉! 露臺地方，打開門就可以直接出外面的溫泉了! 除了露天溫泉，還有一個室内溫泉和沐浴的地方。一間房有兩個私人溫泉，真係好正! 呢度的溫泉水都是美人湯來的，用來美肌和放鬆筋骨是最好不過! 室内的溫泉和沐浴地方，也有門直接可以出去室外溫泉 但是要注意喔，這個溫泉旅館是沒有提供膳食的，所以一日三餐都要自己安排的! 但就係因爲甘，佢價錢比起其他有私人溫泉的旅館平！但是溫泉旅館的職員都好友善，會介紹附近的餐廳比你，可以係附近四處尋找一下! 性價比非常高的溫泉旅館，極力推薦！
