酒店預訂攻略（全球篇） 網上預訂酒店既網站越來越多，究竟點樣可以能夠以最短既時間揾到最方便最舒適最抵既酒店呢？ 首先，你要知道預訂酒店有兩大平台：網上酒店預訂中介網及酒店官方網站 網上酒店預訂中介網站英文叫Online Travel Agency (OTC), 以下就係某d例子: 有甘多個網站，究竟應該點樣開始第一步？ 1）有好多網站都唔係Hong Kong base的話就可以唔洗用了，意思就是可能佢地係只收外幣（例如美金），信用卡會收外幣手續費，客戶服務電話聯絡無香港電話號碼等等。係呢D網站預訂衹會帶來好多不便，例如緊急情況下不能即時聯絡到公司，或者辦理退款手續都會比較麻煩。 2）所以就要選擇瀏覽d有"Hong Kong Base"既網站，以下就係我推介而且經常plan去旅行時會用到既網站： Trivago: https://www.trivago.hk/ Hotels.com/Expedia: https://www.hotels.com/ https://www.expedia.com.hk/ 3）當你預訂好機票，決定好去邊度旅行之後，就係trivago/hotels.com輸入你目的地，入住和退出日期，人數。 4）search完之後你會發覺有一大堆酒店，眼花繚亂。呢個時候，衹要你按【地圖搜尋】，就會以地圖pin point形式比你見到available的酒店。然後，你要按你地行程安排，看看係邊個位置比較方便住宿。 例如：比較著重shopping的話，就可以選擇係市中心或者商場地帶入住。當然如果怕價錢太貴的話就可以選擇市中心前後一兩個站既地方入住。 比較著重去唔同地方觀光的話，就應該選擇比較近車站既酒店居住。方便移動行李，而且節省時間（最重要係多D時間訓覺）！ 但係都要視乎你去既國家，例如落後D既國家交通未必完善；或者某d國家某d地區治安不太好，亦不適宜入住。 5）如何選擇心水酒店？以下係一D tips: 地點：當然要方便安全（上面已經解釋過了） 價錢：按照自己budget而定 設施：有d人可能想要泳池/spa等等，甘就要看清楚酒店資料喔 額外收費：例如嬰兒或者小童收費要看清楚，加床收費要看清楚 膳食：好多酒店都有早餐提供，但係預訂個陣有d價錢係包含早餐，有d不包，要看清楚喔 6）關於房間數量，房間價錢有d野想提提大家： 呢類網上酒店預訂網站，中介網站本身自己有一定數量既房間係手（例如每日100個房）。所以一定要快手d,越早越好。至於價錢就好少會因爲數量少而加價，所以大家可以放心。 限時優惠：限時優惠亦都係呢類網站既搶客策略之一，通常都係24 hours deal。所以有時間的話最好就係每日都留意下啦。 7）有關落訂付款： 信用卡係最常見的。而注意不同的信用卡有不同的優惠，輸入discount code優惠代碼。至於點樣可以索取優惠代碼，就要留意不同銀行信用卡的宣傳，或者係google search下【hotels.com最新優惠代碼】，通常都會有一兩個可以用的。有d甚至係hotels.com app限定。 免費取消（free cancellation）： 有d plan係可以係指定日期内免費取消訂單，有d係唔可以。所以預訂時要看清楚喔！不要無辜地被扣去金錢。 8）完成預訂手續，我通常就會check番account/email去確保預訂成功。而且會上酒店既官方網站瞭解多d關於酒店的資料，亦可以send email去酒店提出特別要求，例如連房，加床安排，接送安排等等。 以上衹是一些預訂酒店的基本資料同提示，有興趣可以留言問我更多:)
