「ThaiHaven 淘泰」－食@泰 曼谷既夜生活絕對唔比香港遜色，同樣係一個不夜城。 我差唔多每個星期都會來到Nana既呢間叫Hooters既吧呢度飲下野食下野，靜靜咁坐係度感受一下曼谷夜晚既熱鬧。 Hooters呢度充滿活力，因為所有 waitress都好熱情，Hooters就係以著緊身小背心既waiterss為一大賣點（呢個係已經出晒名既），絕對吸引眼球，哈哈。當你坐低之後，就會有一個負責serve你既waitress埋來，用memo紙寫低佢個名貼係枱面，方便你搵佢。而且每隔1個鐘，呢班waitress仲會一齊跳舞，氣氛超好。 圖片來源：Hooters Nana facebook page https://www.facebook.com/hootersnana/home 個人鐘意呢度既原因主要係因為呢度有超好味既雞翼，呢個雞翼既特別之處就係，佢既味道令我搵返兒時回憶－哈迪斯!!!! 哈迪斯已經成為回憶，但Hooters既雞翼簡直同哈迪斯既一模一樣味道！我第一次食即刻唸起讀書個陣每日食哈迪斯炸雞同黑椒粒粒雞飯既日子。 呢度既雞翼有好多種煮法同配料，如果想回味一下哈迪斯既味道，揀original breaded，flavor揀lemon pepper rub，唔使加dressing。我每次都會咁點，咁當然大家可以試下其他味，但真係推介一定要試我講既個個配搭！ 呢度仲有其他既野好好食，mini burgers ，lots of tots....再加一杯冰凍啤酒，簡直係大飽口福同埋眼福。 呢度價錢唔算太貴，兩個人叫3個食物，兩杯啤酒，大約1700泰銖左右。（大約港幣380） Hooters係bangkok仲有另一間分店係sukhumvit soi 15，但就nana呢間比較熱鬧。Pattaya都有,係Beach Road (Hilton Pattaya向walking street方向行前少少) 下次來到曼谷既朋友，可以搵一晚來呢度試一試。 而家Hooters係香港蘭桂坊都有分店喇！
