長沙灣新開嘅一間Cafe- Contrast_HK俾佢個黑白格調吸引而黎。仲有我最鍾意嘅日光,真係點影都好靚。我等到嘅位得吧枱,可以嘅話坐喺窗邊加埋陽光就正啦。諗住平日黎冇咁多人,點知係爆場,可能係食飯時間。佢地選擇都幾多,而且價錢我覺得唔貴喎。牛肉漢堡配牛油果角 $92 佢個黑色麵包皮好搶眼,佢個牛味好濃郁!煎到啱啱好仲帶少少粉嫩色嫁,成個漢堡好Juicy 唔會乾,呢個漢堡我覺得好食過布甸呀。重點佢個牛油果角!係炸牛油果, 平時食薯就食得多啦。牛油果配埋呢個蛋黃醬真係好出色! Houseblend Affogato Pudding $58雞蛋布丁之後加espresso咁食,布丁口感綿滑,本身唔會好甜。加埋Expresso 食又係另一番風味仲叫咗Matcha Latte,同Ice Latte.對於最近係咁飲Latte嘅我,呢度味道真係比較遜色。食物方面真係做得唔錯呀。。