日本人氣柚子拉麵 . 最近真係好想食拉麵，真係好掛住日本嘅美食。 所以就搵咗間拉麵黎頂下先。 呢間［阿夫利］主打柚子拉麵，喺日本嘅人氣都幾高。 佢喺The One 嘅I.T入面開咗。環境幾大幾舒服，廚房透明度都幾高可以睇到師傅嘅製作過程。 . 柚子醬油拉麵 入口味道清新而不膩，柚子味道清新，但佢嘅醬油味比較重一啲。我諗如果想食柚子味多啲嘅朋友可以試吓叫柚子鹽味拉麵。 柚子沾麵 我鍾意呢個沾麵多過湯拉麵，因為佢嗰個湯味道較為濃郁，而且佢裏面有啲芝麻喺度提升左成個湯嘅層次感。重點係柚子味出好多，而且唔係大家所諗嘅柚子酸，係好清新㗎。 佢可以選擇冷拉麵或者暖拉麵。我就叫咗暖嘅試吓，食完之後我發現叫冷嘅一定會再好食d兩碗嘅拉麵麵質唔同但係佢哋個款嘅口感都唔錯。 炸軟殼蟹包 佢係用刈包，包住原隻軟殼蟹。中間仲夾雜住一啲青瓜同埋泡菜。味道唔錯，個包口感濕潤，唔會乾。
