原文: http://talkupday.com/2016中國最爆網紅-papi醬/ 原文作者: 雞旦仔 Facebook 專頁: Talkupday 圍講噏Day 上次介紹咗YouTube no. 1 YouTuber PewDiePie (唔知既可以留意番 “打出個未來”), 今次就“翻牆”去中國講吓2016年最爆既網絡紅人(網紅), 她的名字係Papi醬. 我係中國Google度(即係百度) “百度一下”之後, 係中國Wiki(即係百度百科)知道這位自稱 “集美貌與才華於一身的女子”真名叫姜逸磊, 1987年2月17日出生於上海, 畢業於中央戲劇學院導演系, 更被封為2016年第一網紅. Papi醬係2015年底開始走紅, 佢每個星期都會上傳一段大概2至3分鐘既視頻, 每段視頻都會圍繞一個題目發揮, 例如: “男性生存法則”, “馬上就要過春節了, 你準備好了嗎?” 佢既風格係利用變聲音效, 剪接效果, 以張揚既個性, 連珠炮發式地毒舌吐槽, 諷刺時弊同一些社會現象. 唔好講咁多, 去片~ https://youtu.be/j05c1SYkNxc https://youtu.be/DG6aqziGuKo 而 直到目前為止, Papi醬已經上傳咗幾十條呢種短視頻, 總瀏覽量已經超過2億(上傳網站包括微博, 優酷, 愛奇藝, 騰訊視頻, 美拍, 秒拍, 小咖秀, A站, B站, 最近更加入Youtube Channel). 在2016年3月20日, Papi醬更加獲得著名天使投資人徐小平的真格基金, 羅振宇(羅胖)的羅輯思維領頭的注資, 投資了1200萬人民幣給Papi醬團隊融資, 佔股12%股份, Papi醬團隊佔股88%. 換言之Papi醬的身價估值為1億人民幣. 一個月後, 他們在北京舉辦了被稱為“新媒體史上第一拍”的拍賣會. 拍賣既項目係Papi醬的第一個廣告視頻, 廣告只出現係Papi醬主視頻之後, 而且只會發佈一次, 但係最終仍然以2200萬天價賣出. Papi 醬的廣告視頻仲未出街, 廣告成效如何有待觀察, Papi醬究竟只係剎那既光輝定係輝煌時代既開始仲言之尚早. 但係網絡智識產權(Internet Property, IP), KOL(Key Opinion Leader)的市場已經進入火紅年代. 而Papi醬係咪一個“集美貌與才華於一身的女子”就見仁見智啦, 但係2016年佢就一定係一個集名利於一身的女子囉!~
