少有食店會設有現場live唱歌，令現場有氣氛，加上現場嘅佈置有滿滿嘅火車頭襯托返餐廳主題，以及燈光相對調暗令整體氣氛舒服。 「鮮芒果海鮮炒飯」以往我喺泰國餐廳都會食菠蘿炒飯，今次叫這個芒果海鮮炒飯，海鮮魷帶子鮮魷蝦等都幾足料，而且炒得幾香口，再配上豬肉鬆混在其中增加了口感，而鮮芒果在煙韌飯粒中增添了juicy，比起平時食菠蘿炒飯多幾分濕潤更鮮味，不錯。 「冬陰功湯」一向鍾情冬陰功湯的我們叫了四至六人的份量，冬陰功湯的辣度適中唔會太搶喉，而且幾惹味，撈起來有幾隻大頭蝦，肉幾爽口，特別之處係盛湯的爐具，有著傳統圖案孔口，幾別緻搶眼具特色。 「串燒」雞、牛、豬各2串，串燒燒得幾惹味，唔會燒得太韌，而最突出是那些沙嗲醬，配搭一齊食帶出香口。 現場唱live 增添了氣氛，價錢唔係特別平但符合食物質素，見到menu背後有教泰國話，引用佢其中一句泰文「好味」來形容餐廳「亞萊Mark Mark」也貼切。 -----------------------------筆者：年齡係一位大叔，希望藉運動減慢變成大叔外形。跑步，係我今年養成習慣嘅運動，由初初3K跑到宜家10K，我嘗試喺唔同地方跑，過程中我都會見到、聽到、感受到唔同嘢，當遇到有趣嘅，我會拿起手機補捉下。 --------------------------
