大叔諗咗唔同方法減肥，有段時間諗住節食，開頭都頂得一陣，不過遇著意志薄弱嘅時候，好似夜晚個肚咕咕聲打緊鼓就不其然攞咗個杯麵食，因為深夜食完冇耐就瞓仲容易肥，反而體重有增無減。之後決定用跑步去減肥，跑步呢家嘢係要講習慣，如果跑咗一次隔好耐先第二次，根本就唔會有效果，反而每次唔好跑得太長，但要保持一星期三至四次，慢慢習慣咗可以再加長跑嘅距離，重點係堅持，我試過遲放工但都會堅持11pm跑步，切記千祈唔好甩咗，好多時甩咗一次唔跑就會有第二次，慢慢就懶番落嚟。(大叔攝於2019年9月) (大叔攝於2020年11月) ------------------------------------筆者：年齡係一位大叔，希望藉運動減慢變成大叔外形。跑步，係我今年養成習慣嘅運動，由初初3K跑到宜家10K，我嘗試喺唔同地方跑，過程中我都會見到、聽到、感受到唔同嘢，當遇到有趣嘅，我會拿起手機補捉下。 ------------------------------------
