最近SY迷上了Thursday Plantation的茶樹油!原因，好簡單姐，醫到暗瘡囉~~~~~~ SY在太陽穴位置同面頰位置有好多暗粒，唔出唔入咁，好煩人。於是，朋友仔介紹用茶樹油。本身有諗過買番The body shop的茶樹油，但係中學嗰陣試過，大概知效用，貴同好快用完。於是，我試左個近期好多人談論的 Thursday Plantation 的茶樹油。 好，睇下我塊面先。 宜加呢個情況已經叫做好D架喇，之前太陽穴的暗粒係凸起，做練妝Model時，MUA 點用遮瑕膏都遮唔到。 於是，我把心一橫，唔化妝左1星期(Concealer都唔搽，早晚搽茶樹油)。嗰程序係: 清潔完塊面-->爽膚水-->水份精華(必搽，因為搽茶樹油皮膚會乾D)-->茶樹油(局部點在暗瘡位置)-->水份面霜，其他枝節的程序就唔講喇! 咁茶樹油會唔會好油?答案係: 唔會!! 點擊圖片放大 反而搽左茶樹油的地方，暗粒會"吞"左出黎，然後會乾左，變成一粒白色酒米，輕輕一推就會出黎。之後仲會脱皮tim!脫皮對於我黎講係好事，因為d暗瘡印會淡左，皮膚變得冇咁厚。 茶樹油的最重要的功能係消炎抗菌，所以除左搽暗瘡之外，有輕微的界傷割傷及蚊叮蟲咬都可以搽少少黎消毒，非常多功能!! 所以，除左回購之外，我仲加碼~~~買埋支啫喱。 咁點樣配合用呢? 日頭用啫喱，夜晚用油。啫喱裏面的茶樹油含量會少d，味道也相對地冇咁濃烈，唔使特別等皮膚吸收，方便日間用。 啫喱係密封包裝，開封時用白色蓋尖尖的部分"吉"穿軟鋁。吱出黎的質地似毛孔修飾霜的感覺，唔同大家平時用開的啫喱水份面霜。搽完支啫喱，記得搽番水分面霜。 最後，呢個品牌最吸引我的係~~~~~ $$價錢$$ 茶樹暗瘡治療啫喱25g: HKD 98.9; 75折後，HKD74.2 100%純正茶樹油10ml：HKD74.9; 75折後，HKD56.2 係唔係好抵呢!!!等我搽多一兩個星期，再upload D相俾大家睇。 點擊圖片放大
