講起法國，我就諗起以前讀書果陣，一班同學仔做backpacker 遊巴黎。認到我嗎？我喺最右邊著住白色羽絨的少女。係唔係好青春逼人呢？ 真係好令人懷念!! 我哋逗留在巴黎的時間唔算多，大概四日三夜左右，一啲出名的景點我哋都去左。最令我印象深刻的係艾菲爾鐵塔及我哋在艾菲爾鐵塔上的奇遇。奇遇今次唔在呢到講住先，講番法國人俾我感覺係，他哋比較慵懶，識享受生活，明明識少少英文又扮唔識。 今次的護膚品， Bio Logical，它來至法國，全線產品均為100%於法國生產及製造的天然有機護膚品牌。產品的原材料大部分係天然有機的農產品植物萃取，並沒有使用農藥、生長激素、化學殺蟲劑、人工香精、色素與酒精類刺激性乳化劑，敏感皮膚同孕婦都適用。 唔知大家有冇留意，好多法國品牌的Makeup Remover卸妝水都可以唔使過水的。因為在呢啲卸妝水裏面都加入左好多植物的保濕成份，用紙巾或棉花卸乾淨皮膚後，可以直接擦上精華或面霜。 Bio Logical 蘆薈玫瑰輕柔卸妝水 (My Face Dew Makeup Remover) 成份含蘆薈、玫瑰水、橙花水及岩藻糖等天然植物萃取，潔膚之餘又可以保濕及軟膚。不過呢個卸妝水只可卸普通妝，但卸防水妝就冇卸得咁出色。用佢卸妝的時候，會有少少泡，但係捽下捽下啲泡就會冇左，所以過水同唔過水都得，大家自己決定。 我做左個測試，試左幾隻防水同唔防水的眼線，睇下以下測試的結果係點？ 點擊圖片放大 測試結果，眼線裏面有閃粉的話，Bio Logical卸妝水就卸後冇咁乾淨。相反地，眼線裏面沒閃粉的，無論係眼線液定眼線筆都卸得好乾淨。好似防水的眼線液都冇問題。 再黎係呢支Bio Logical 玫瑰亮晴眼部啫喱霜 (Goodbye Sandman Eye Contour Gel)，呢支眼啫喱簡直係我最近的大愛。它的主要成份有玫瑰花水、石榴精髓、蘆薈及透明質酸等天然植物萃取。有效減少皺紋及幼紋、緊緻及減輕眼部浮腫。但係，我覺得最正的係佢有走珠金屬頭，塗完一層薄薄的啫喱後，就可以用個涷頭按摩了。它去眼部浮腫非常好，我有時睇戲喊到眼都腫埋，夜晚番到屋企即刻碌它，第二日雙眼完全冇腫。不過有時按摩多左，唔覺唔覺用多左份量。所以，我俾大家的小tips係，要擦產品的時候，就將支啫喱打橫，碌一個圈; 要做按摩的時候，就將支啫喱打斜，並且最好向同一個方向按摩。千萬唔好一時順時針，一時逆時針。 我的朋友知我好油，特登送左兩支油俾我嘆下! 唔好誤會，呢兩支油唔係用黎食嘅，而係用黎擦的。 一支係 Uterine Oil, 佢係專擦子宫的按摩油。另外一支係Breast Oil, 係專擦乳房的按摩油。 這兩支油來至一個美國的品牌叫GingerChi ，一聽個名就知產品韻含中國的侍傳統智慧在裏面。全系列均含有主要成份：姜。姜係可以促进血液循環及新陣代謝及防御细胞的增長，加强免疫系统。此外，品牌仲加入左陰陽及氣的原素在產品裏面。品牌創始人認為陰陽調和，氣才能自由流動。所以，產品的說明書中時常包含按壓穴位的手法。據朋友所說，呢個品牌的創始人係一位移民左去美國的中醫師。 Uterine Oil最主要係舒緩經前綜合症。小女一直都有痛經問題，第一日係特別痛，係痛到坐唔直個人。我試過第一日好痛的時候即刻擦隻油及按摩，結果係舒緩唔到的。我諗佢真係不可以做急救的。所以，我會嘗試每晚都擦佢再加按摩子宫。睇下一次，我的痛經情況會唔會改善。(此產品，一個月係再Review!) 注意：此產品不適合孕婦使用 另外一款按摩油，係Breast Oil，佢香味比Uterine Oil 好聞好多皆因佢Ginger味重啲。產品附帶的說明書，亦好清楚地教導用家如何按摩乳房，圖文並茂，非常清晰。 我簡單講講個按摩手法： 步驟1–以乳頭為中心以放射式地向外推 步驟2–輕微地楺乳房及向上推 步驟3–用兩隻手括住乳房，順時針及逆時針輕輕轉動 步驟4–以乳頭為中心，輕壓乳房向外推 冇按摩油的Sis, 可以用body cream加以上的手勢按摩胸部。呢支油及呢套按摩手法最主要的目的係幫胸部排毒及提升胸部。 注意：此產品不適合孕婦及喂母乳的女士使用 關於產品的其它資料，大家可以到以下的網站瀏覽： Bio Logical 銷售點： – Fingershopping – BabeGal – Bio Logical 專門店：樂富廣場UNY 3樓 Counter 15 GingerChi 官網： http://gingerchi.com/
