以前睇電視，覺得啲明星的皮膚好靚及好完美。我整日都諗她地究竟係食啲咩、用啲咩及做啲咩，才令到皮膚咁靚呢。長大之後，我試過模仿明星使用的產品，可惜唔係太貴用唔起、就係用完冇效果或果效果唔明顯。我出黎社會做事的好幾年，我才真正認識到自己的皮膚，慢慢用適合自己皮膚的護膚品。睇住自己皮膚的變化，當然係好的變化，成就感很大，因為呢樣係其中一樣只要肯努力就會有回報的事情。 早兩個星期，我又去到PhotoCure見Dr. Fung，今次上去的目的係將我面上黑芝麻陸續清除! 我唔知自己去到宜加的年齡，我係屬於多黑痣的類別定係屬於正常數量的類別。但係，有一次我聽到一位識睇面相的朋友話我知，我虎紋上黑痣會令我犯水險。呢句說話就係促使我下定決心上Dr. Fung 到脫痣的最大原因! 面相呢樣嘢，信不信由你!不過，我信。 以下我面上的痣，呢幾粒尤為明顯，它哋係深啡色至黑色，冇突起的。它哋有啲比較淺層，有啲比較深層(虎紋上嗰粒–痣3係屬於深層果類)，可能要做多一次先清除到。 以下就係幫我去除面上黑芝麻的武器，CO2 Laser，佢可以脫痣及脫疣。出Laser的嘴，又瘦又長，由呢個Laser 嘴射出黎的光束唔會變型，只有一束圓形的紅色Laser. 做CO2 Laser 前的第一步，就係搽麻醉膏，等大概20分鐘後就可以打喇! 幫我打CO2的就係Dr. Fung，啲CO2 Laser 落到皮膚表面時係唔會痛的，但係會聞到皮膚被燒燶的味道。當第一層皮膚被蒸發後，Dr. Fung會用濕棉花抹走表面的死面。然後，佢會再觀察下使唔使再落Laser蒸發第二層的皮膚，因為痣的深度各有不同，有時要重覆幾次呢個動作先至打到痣的根部。我虎紋上的痣就係呢個Case，肉眼睇以為唔覺太深，打落先知根深蒂固。 啱啱做完CO2 Laser的皮膚，會有一個細細的傷口，傷口係凹落去的，傷口周邊有少少紅。跟住之後的1-2個星期，早晚搽消炎藥膏，Dr. Fung到會配埋俾我，唔使另買。其實，我搽左大概5日的消炎藥膏，傷口已經起痂，慢慢脫剝落，之後我都冇搽了~~ 10日之後，啲痂都脫晒，剩番淺棕色的印，似平時癒合中的暗瘡印，凹落去的皮膚亦逐漸生番上黎。 第14日的皮膚，印都係慢慢淡緊。 兩個星期過後，脫得最明顯的係我右眼的兩粒痣!冇晒黑色，只剩啲淺紅色的印。 再過多兩個星期後，等啲印再淺埋就Perfect 喇! 我塊仲有好多瑕疵要慢慢執，但我鍾意一步步黎皆因皮膚都要需時間去適應。 我在PhotoCure 亦都做過1550的療程，主要針對毛孔粗大、暗瘡印及缺水問題。有與趣可以按此重温! SY 係師奶仔性格，所到之處，可以的話我會幫大家爭取折扣! 我今次幫大家爭取到折扣係，SY讀者去PhotoCure 做CO2 Laser Treatment的話，PhotoCure 將免費幫大家脫第一粒的痣或者疣(正常size，過大size除外)，之後第二粒痣或疣起，將會8折優惠! PhotoCure 地址：九龍油麻地彌敦道525號118號室 電話：2780-1100 官網：http://photocure.hk/ 如果大家有皮膚問題，都可以問下我，因為久病成醫。我識答的我會盡答，我唔識答的，我會問Dr.Fung!
