由媽咪帶住我走過的第一次，應該數之不盡。但由我主領為佢開啟的第一次，將會由單數變雙數，會由10隻手指數得晒，變做加埋腳趾都數唔晒。買完口乖之後，係時候入正題。 第一次帶媽咪去Dr. Fung嗰度，嘗試解決一直以來佢最關注的皮膚問題－－斑、斑、斑。 去到媽咪級呢個年紀，佢面上的斑簡真就係雜果賓治，有賀爾蒙斑、太陽斑及雀斑等等～～ 媽咪做完左皮膚分析後，就即刻開波做1064激光療程。 對於第一次做激光療程的SY媽，我都好緊張佢會唔適應或者怕痛，Dr. Fung俾左兩個壓力波波俾SY媽擰住。 以下係SY媽第一張的鹹蛋超人相! Connie 就係用呢就1064 激光機幫SY媽打斑的。至於打1064嗰陣痛唔痛，SY媽的答覆係：OK吖，唔痛啊，但係有啲似燒豬皮的感覺，有燶燶地的味道。於是，由頭到尾SY媽只係Hold住個壓力波波。 Connie 首先幫SY媽全面打，但係突起的痣就避開左！ 之後，Connie再調較度數，再打啲較深的斑。SY媽的斑實在太深喇，Dr.Fung及Connie 都話起碼要做多3-4次，較深層的斑先至淡得明顯啲。 打完斑之後，正如SY媽咁講，佢塊面有啲似燒豬皮咁，紅紅地及燶燶地。 跟住就係cool down 步驟，Connie用兩個冰凍的波波遊走啱啱做完激光的面部。 做完1064激光療程的皮膚，皮膚係會有傷口的，需要搽番消炎膏在傷口上。當然，每一次Treatment後，Connie佢哋都會配埋消炎膏俾客。一個星期左右，SY媽的傷口已結痂同慢慢脫落。 臨走之前，Connie 佢哋會俾番張療程後護理指示俾我哋，皮膚有機會出現的情況及處理手法指示上都有寫。 以下係SY媽做完1064後，第一日、第七日及第十日的皮膚變化。佢的整體膚色係均勻左的，至於斑方面SY媽右邊面的斑淡左好多。 全面 右邊面 左邊面 左邊面的斑淡得冇啱明顯，不過反而有啲墨被打走左！哈哈~~ 呢個1064 Laser Treatment幾錢？HK$2000/ 全面！ 今次幫大家爭取的係我的讀者可以免費問診同埋首次試做價HK$500! PhotoCure 地址：九龍油麻地彌敦道525號118號室 電話：2780-1100 官網：http://photocure.hk/
