轉下眼就一年，真係估唔到疫情都陪伴左我地成年。仲記得去年呢個時候已經飛左去南美。應該話每年新春都必定外遊，一來人大左就唔想跟住父母四處拜年，又係比親朋戚友問埋d唔愿答既問題，二來難得有個四日長假，再請多幾日就可以放十日，可以黎過遠d既旅行。雖然價格就一定比平時貴，但都覺得抵丫，至少可以遠離煩囂。 可惜既係，自從南美之行就再無緣出國，至今剛好一年，真係超級掛住旅行！！！唉。。。竟然只可以留港過年，新春總要有點新年氣氛，所以都係自製左個我至愛既少甜版既紫薯年糕！除左材料簡單，連做法都好容易，都係蒸完攪勻再蒸熟，新手完全可以駕御到！ 而且蒸完就咁食就已經香甜軟糯，但如果鐘意香口少少亦可以切件煎香先食，一樣煙韌好味！！ 襯仲有兩三日就過年，一於整返底糕喇！祝大家來年步步高升、大紅大紫！當然最緊要係可以遠離疫情，身體健康！！新年快樂！！ 材料 Ingredient: 60克片糖 60g Sugar 150克清水 150g Water 100克椰漿 100g Coconut milk 100克紫薯 100g Purple sweet potato 100克糯米粉 100g Glutinous rice flour 50克澄麵 50g Wheat starch IG: https://instagram.com/sweet_potato_mui?igshid=vl5lahd6ycx0 FB: https://www.facebook.com/蕃薯妹sweet-potato-mui-100899004763483/
