好一陣無整麵包，仲記得之前整左免搓薯仔餐包，有人問用蕃薯代替係咪都可以免搓 , 但有好多其他食譜都想試，於是擺底左。今日心血來潮，又咁岩打8號波唔知整咩好，就一於試下整啦！但今次唔整餐包，想試下用2種色既蕃薯整吐司~材料份量同上次薯仔餐包差唔多，只係分左2隻色，就將份量分一半。平時好懶就咁用大碗，放上磅度稱，但今次想同步少少就準備好材料，一擺埋一齊就覺得好symmetric~ Anyways, 首先都將所有材料放埋一齊攪攪攪，之後發酵2個鐘，再擀至長方形，最好邊長可以同個麵包模差不多闊，或者窄少少，咁會易d入模。擀開左其實都好圓，可以試下拉4個角，變長方形~再將兩個擀平既麵糰疊埋，麵糰上方保留1/3長度，下面就切割8-9條狀，再每條捲下佢，最後由上而下捲埋入模。發酵多半個鐘就可以焗喇！ 偶然玩下造型麵包都幾治癒，呢個簡易版，又唔駛搓，成功率又高，最緊要係口感軟熟得黎又可以拉絲，切片或者就咁撕開黎食都好正！有興趣可以睇片試整！材料Ingredients:紫薯麵團 Yam Dough:75克紫薯 75g Yam110毫升溫牛奶 110ml Lukewarm Milk1克快速酵母 1g Instant Yeast10克糖 10g Sugar (可用蜜糖代替 Can be replaced by honey)0.5隻蛋 0.5Egg160克高筋麵粉 160g Bread Flour黃心蕃薯 Yellow Sweet Potato Dough:75克黃心蕃薯 75g Yellow Sweet Potato110毫升溫牛奶 110ml Lukewarm Milk 1克快速酵母 1g Instant Yeast10克糖 10g Sugar (可用蜜糖代替 Can be replaced by honey)0.5隻蛋 0.5Egg160克高筋麵粉 160g Bread FlourIG:https://instagram.com/sweet_potato_mui?igshid=vl5lahd6ycx0FB: https://www.facebook.com/蕃薯妹sweet-potato-mui-100899004763483/
