突然好掛住台灣美食，諗返之前去台中食大甲既芋頭，真係又鬆又粉，各種芋頭既甜品都超好食，芋頭酥、芋圓、芋頭蛋糕、芋頭鮮奶。。。。總之就係食到個胃頂唔順先係擺休~！但係短期內都唔可能出國，街買既芋頭甜品總覺得太甜，想食少甜版既都係唯有自己整。所以手痕就買左半個芋頭（確實去芋頭皮都會手痕...），適逢又就黎中秋，就上網學整返個芋頭酥應下節喇！（雖然我都唔知點解中秋要食酥~）上網睇左好多食譜，食材唔難準備，但係步驟相對多，淨係整皮都要分2層，捲法又有2種。初時都怕自己整唔到，總覺得要整到千層螺旋狀好難，但其實只係步驟多，要等要包又要捲。。。。。。不過，諗返轉頭其實同整有造型既麵包差唔多，試多幾次，就得心應手！ 重點係見到製成品層次分明，驟眼睇同街買都有幾分似，真係好有滿足感！加上自己整可以加多d餡，外皮酥得黎又唔油膩，甜度又岩自己口味。如果餡料唔用牛奶，改用荳奶，完全可以當素食既月餅~芋頭控就一定唔好錯過~有興趣可以睇片試整！ 材料Ingredients（8個芋頭酥 8Taro pastry):油皮Water dough (4份portions, 約15克g/份each)75克中筋麵粉 75g All-purpose flour30克水 30g Water20克油 20g Oil20克糖 20g Sugar油酥 Oil Dough(4份portions, 約10克g/份each)60克低筋麵粉 60g Low-gluten flour2 克紫薯粉 2g Purple Yam powder25克油 25g Oil芋泥餡Taro Filling (8份portions, 約25克g/份each)200克芋頭 200g Taro20克糖 20g Sugar20克牛奶 20g MilkIG:https://instagram.com/sweet_potato_mui?igshid=vl5lahd6ycx0FB: https://www.facebook.com/蕃薯妹sweet-potato-mui-100899004763483/
