早前金san tag 我,話想食炸鮮奶,一見到個“炸”字就會覺得處理好麻煩,而且又唔多健康。但又要滿足金san對炸鮮奶既慾望,我就搵左個健康d既烤牛奶! 看似Basque Burnt Cheese Cake, 但其實係焗奶凍~ 其實好多食譜想健康d都會用焗取代炸,當然口感有少少分別,但比起健康,都係要取捨。呢個健康版既炸鮮奶,材料容易取得之餘做法都好簡單!只要將材料加熱攪勻至濃稠順滑(其實都有d似上次蛋奶雪糕咁),之後倒入器皿嘆凍,跟住雪2個鐘。其實雪完就係牛奶凍喇~可以就咁凍食,夏天食呢個奶凍都好正!見到奶凍彈下彈下,好似蛋黃哥個屁屁:p。但未完,要好似炸鮮奶咁外脆內軟,就要沾蛋液同面包糠, 但我唔想太熱氣,所以只係掃左層蛋液,焗完就食得喇! 焗完食既口感似燉蛋 金san一見到就以為我焗燶左舊芝士蛋糕,可能因為用左圓形器皿,切件之後掃蛋液再焗,又真係有d似早排好興既Basque burnt cheese cake...雖然燶燶地,但係金san都話好味,奶味濃,內裡口感滑順,有d似食燉蛋咁。 焗完再雪,口感似中式紅豆糕咁 整完當日都差唔多食晚餐,所以唔敢食哂,剩左既就放入雪櫃。到第二日食,口感相對扎實,好似食中式糕點咁,有d似紅豆糕既口感,都幾得意, 一種食物雪完再焗,焗完再雪,竟然可以食到三種唔同既口感!有興趣睇片試下喇! 簡易材料 Simple Ingredients: 30克粟粉 30g Corn Starch 2隻蛋黃 2 Egg Yolk 300克牛奶 300g Milk 1 片芝士 1 Slice Cheese 8克糖 8g Sugar *糖的種類和甜度可根據個人喜好而調整 *Adjust the sweetener according to your own flavor https://youtu.be/VIRhr9Gzcns IG:https://instagram.com/sweet_potato_mui?igshid=vl5lahd6ycx0 FB: https://www.facebook.com/蕃薯妹sweet-potato-mui-100899004763483/