上篇講左要準備既文件同打針，呢篇講下出發前15日係網上填玻利維亞簽證申請表既流程。 首先，要知道自己邊日入境玻利維亞，再向前倒數15日，我自己會預鬆少少，怕係秘魯會因為身體不適留多1-2日，所以我大概入境前10日先上網填form。 其次，準備定上篇提到文件既soft copy，因為上載相關證明文件既容量限制左150-500 Kb,，我自己就係scan文件入電腦再用whatsapp web send比金san，跟手download and save 返入電腦， file size就會變細左。雖然此舉有d麻煩，但咁樣手機都有留底，touch wood去到當地唔知咩原因要再上網填form都有file upload。 準備哂就可以click入以下網址填申請表：http://www.rree.gob.bo/formvisas/default.aspx 第一頁要揀國藉，香港人只可以揀China；用咩護照，揀regular passport； security check ，自己計數。 第二頁，Type of Visa 揀Tourist Visa。之後淨係填有*既item，唯一要注意既係National Identification Number係填HKID number。因為後一頁會單獨填有關passport 既問題，如果填錯資料，到秘魯簽證時，領事館會另外加收更改資料既費用。呢頁最尾係要上傳證件相3*3cm，其實呢個我搞左好耐，唔知點解係咁reject我，最後得金san出手先上傳到。 第三頁就填passport資料，但就唔駛上傳soft copy。 第四頁就問d簡單問題，有項問你主要喺玻利維亞遊覽既地方，可以睇下有無適合既選項，如果無就揀others，揀左others，最尾上傳文件果頁就唔駛上傳黃熱病注射既證明書。 第五頁，填緊急聯絡人既資料，記得唔好填同行既親友，最好填埋第二緊急聯絡人，因為第一緊急聯絡人果欄係無得填電話號碼。去下一頁之前有項係得西班牙文，就係問你會係邊個領事館辦理簽證。我爬左唔少文發現Puno既領事有善d，大部人簽證過程都好順利，而Cusco既領事就比較情緒化，睇心情做野，所以保守起見我預左3個方案，會先到Cusco辦理簽證，如果當日真係批唔到就唔留Cusco，直接去Puno搞，如果都真係唔ok，就只好落地簽，所以呢度我填左Cusco/Puno。 第六頁，就係upload文件，頭個4項有準備都好快上傳到。係住宿證明果度想提下，因為我計劃日頭坐巴士由Puno到La paz, 中途陸路過關，跟住會直踩，坐埋過夜巴去Uyuni，變左我既第一晚係玻利維亞既夜巴上，但我出發前仲未買夜巴果程飛，就算買左我都怕佢唔批我，所以我隨意係booking.com訂左間幾蚊美金既hostel，就算我唔入住又無得free cancel，都唔覺肉赤。確實到我簽證果日，排係我前既情侶就係少左張住宿証明，領事只係數文件齊唔齊，而唔會仔細睇你既行程表，所以可以準備到既文件就準備定。 到最尾Formulario de solicitud 呢個就要click "Form Print Preview"紅色highlight左個行，之後會彈個pdf file，係無序號既申請表，check下資料岩唔岩，ok就upload呢份表到Formulario de solicitud。 上傳哂就可以click "Finish Visa Application" 啦！如無意外就會到以下頁面，click “display visa application form”, download份正式既申請表，跟住print出黎，係最尾個頁簽返個大名就可以連同其他證明文件帶去領事館簽證。（唉，雖然份表唔難填，但本人都真係幾討厭填form。。。） 好! 跟住就係照單執藥既時候喇~ 記得正副本各一份! 1.已簽署既簽證申請表 2.特區護照（有效期不少於6個月） 3.個人經濟能力證明 （信用卡正面） 4.英文行程表（可參考前文-行前準備中既行程表） 5.玻利維亞第一晚住宿證明 6.黃熱病疫苗接種証明 7.白底證件相（3*3cm） 8.USD30 準備完簽證材料就到下一篇既行李篇喇~ P.S.因為呢篇係準備篇，無寫到係秘魯點樣簽證，有興趣可以期待之後既遊記~
