多謝 she.com 俾機會我睇《過界》Bends 女性優先場。 起初，對《過界》認識唔多，因為相關新聞及宣傳好少，不過搜尋返《過界》嘅新聞，令我呢個 "娛樂版精" 非常驚訝！ 《過界》已經遊走咗世界知名影展，好似獲選入第66屆康城國際電影節「一種關注」(Un Certain Regard) 競賽單元及本屆多倫多電影節 Discovery 單元。 戲中男主角陳坤仲憑《過界》嬴咗摩洛哥薩累國際婦女電影節「最佳男演員獎」添。 未正式上畫，就得到全球電影業界嘅關注，可想而知，《過界》係一齣令人期待嘅電影。 故事大綱 當生活失序、人便會過界。著將何去從？ 富 家太太Anna (劉嘉玲 飾)一直活在自己主宰的優哉遊哉的都市上流社會生活中。丈夫能幹、女兒出國留學，對內把家打理得頭頭是道，對外活躍於社會慈善活動。可是突然一天，有錢的 丈夫失蹤了，迷惘中失去了依靠、Anna 天天想盡辦法，維持表面闊太生活，以掩飾家門的經濟危機----一個都市女性如何面對突如其來的生活巨變？ 另 一邊廂Anna 的司機輝 (陳坤 飾) 一直在找方法安排偷運深圳的懷孕妻子來港生產第二胎。儘管輝感覺到主人家起了變化，但他顧不了太多， 這份工作能幫他把妻子帶來香港產子。 Anna和輝是活在兩個不同世界的人，各有各的心底苦，兩條迥異的人生線路交織、各自面對自身的脆弱無力，共同去找回起點…………….. 編劇、導演：劉韻文 監製：施南生、俞琤、李敏怡、許志堅 出品人：湯珈鋮 主演：劉嘉玲、陳坤 攝影指導：杜可風 特別鳴謝：張叔平 語言：粵語、普通話 片長：92分鐘 上映日期：11 月21 日 級別：IIB 男女主角 ~ Anna同阿輝兩個不同階層嘅人，生活喺不同環境，面對住不同問題，但係日日如常見面，努力做好自己嘅角色。作為旁觀者嘅我，都感染到佢哋嗰種痛苦。 《過界》主線講女性責任。戲中提到每個女性無時無刻都扮演住唔同嘅角色，每個角色都有其責任及問題。 角色：母親、老婆、有權力嘅朋友、女兒、老闆、主席 … 責任：相夫教子、籌備慈善活動、交換情報、解決老公生意上問題、孝順父母、傳宗接代 … 問題：財政、生活質素、生意、面子、權力、地位 … 戲 中故事讓我感受到做女人好 "難"，難係難在點去平衡人生中每個 "點"。如果有個 "點" 突然破碎咗，作為女人要點去平衡其他 "點"，讓生活回復正常，讓自己過得舒適。就好似戲中富家太太 Anna 老公失蹤，經濟出現問題，慣常擁有嘅生活一下子無晒，令佢感到無助、迷惘。喺突變下，Anna 自求出路，搵門路變賣家中貴價物品，去街邊店開餐，喺富貴朋友面前死撐，一切一切只為平衡人生中嘅 "點"。 邊睇故事發展，邊想起 "女人當自強" 呢句說話。劉嘉玲演出咗 Anna 富太嘅心態，讓觀眾感受到表面榮華富貴嘅 Anna 內藏著不為人知嘅問題，孤獨、無助，讓我感到 Anna 只係活在虛浮中，完全沒有愛。 《過界》嘅陣容非同小可，除咗有影后級人馬劉嘉玲外，仲有中國四大小生之一嘅陳坤。 陳坤為咗演活中年父親兼司機阿輝呢個角色，不惜犧牲形象，增肥10磅以凸顯其粗腰及肚腩；佢仲去觀察司機的平常生活，融入戲中角色，務求令自己形神俱現。 雖然不是第一次睇陳坤演戲，不過今次作為男主角，佢嘅演出真係好到位。陳坤演活咗阿輝對家庭嘅承擔，對工作嘅認真，對朋友嘅誠懇，對前妻嘅傷害。 《過界》除咗幕前強勁，幕後班底都咁強o架，有劉韻文、施南生、俞琤、李敏怡、許志堅、杜可風同張叔平。 想第一時間睇到《過界》，記住以下日子 "11月21日 香港, 台灣同步上映!" P.S.： 記住留意《過界》主題曲「終點的起點」，係由劉嘉玲主唱㗎。 圖片由 《過界》fanpage 取得
