西營盤站雖然未開始啟用，但西區已有不少特色餐廳進駐。 今次要推介既係位於般咸道出口對面既秋櫻屋 尼間餐廳既佈置好精細用心，真係好有日本風格，感覺係一間悠閒小店，賣既係用心製作既食品 最近餐牌轉咗，多左好多選擇，新加有意粉，焗飯及蛋包飯 點擊圖片放大 +3 我比較喜歡香口既食物，所以點了鐵板雞扒 餐中有沙律，粟米忌廉湯及餐飲 沙律好新鮮，粟米味清甜而且好creamy 哇哇哇，終於都黎啦，塊雞扒好大好厚，底下還有少少意粉及薯角作伴菜。個份量係超大既，絕對足夠胃口好既女仕及一般男仕。 配以黑椒汁進食，更惹味。如果不能吃辣既你，就選擇燒汁啦。 可以跟飯或pancake ，但尼日我太肚餓，所以叫左飯 不過尼間餐廳既pancake 係成名作，我又點可以唔食呢？ 一於叫個雜果pancake，4個人食就岩岩好！d cream好香好soft，但係感覺好輕盈，絕對唔會覺得飽肚。 Pancake 夠熱夠香軟，即使放涼一陣都唔會變硬。配上caramel 汁、cream及生果 ，甜品既滿足度超大呀！！！！！ 餐飲既咖啡係用蒸氣滴漏方法煮既，1次過只可以沖出2杯份量，所以要時間，建議早一點點餐飲會好d 因為餐廳以休閒主打，所以日本服務生都好有禮貌，但上菜速度比較慢，但日見有進步！因為我一個月都會去一次，最好12:45前到，會比較少人。 即使番工有幾大壓力，走進這間餐廳都會好舒服，就當自己去日本食個lunch 番黎啦，嘿嘿！ 秋櫻屋 (半山) 地址 : 半山般咸道64號嘉麗苑地下2號舖 電話 : 2517 7122 網址 : http://www.openrice.com/hongkong/restaurant/-/162649 有事找我 : shamyanyan@gmail.com 個人專頁: www.facebook.com/summerstarzz My sharing http://summerstarzz.theztyle.com http://blog.she.com/summer_starzz http://www.ubeauty.com.hk/member_blog/summerstarzz/ http://itrial.hk/user/iamsummer-blog-22347.html http://www.weshare.com.hk/summerstarzz http://summerstarzz.blogspot.hk/ http://www.fnb.hk/blog/30063
