日本的便利店多如繁星，但要數最有名的全國性連鎖便利店，則主要有 7-11、Lawson、Family Mart、CircleKSunkus、Mini Shop、ampm、Daily Yamazaki 這幾間。咪以為間間都一樣呀，實質上每間便利店的架上貨品都有不同，換言之，產品真係多得令人無法統計！而偏偏，便利店是不少香港人去日本的「必逛景點」！那麼，面對著琳瑯滿目的新奇產品，應該從何入手呢？？？定啲嚟！響你下次的日本之旅還未成行之前，不妨參考一下這個《最受 20～39 歲女性歡迎的 10 大便利店甜點》，然後，每餐晚飯過後，買一個日本人最愛的甜品番酒店慢慢歎吧！ . 1 位：Premium Roll Cake 便利店：Lawson 價錢：150 Yen 點評：Premium Roll Cake 誕生於 2009 年，基本上現時已是所有國民都認識的「便利店明星甜點」。 平日中間盛著滿滿的香滑忌廉，但到了每月的 22 號，工房會特別在中間位置加入半個士多啤梨， 所以很多粉絲都很期待 22 日的來臨！ . 2 位：W Cream Éclair 泡芙 便利店：Family Mart 價錢：150 Yen 點評：被譽為「男人的甜點」，份量十足！ 泡芙上有一層濃郁朱古力，中間再夾一層厚厚的cream。 而重點是，cream 的分量比泡芙還要多！！ 忌廉有牛奶原味和朱古力兩種口味任擇。 . 3 位：煙韌 Roll Cake (もち食感ロール) 便利店：Lawson 價錢：295 Yen 點評：一條蛋捲預先切開 6 件。 但佢並唔係普通蛋捲咁簡單，海綿蛋糕部分非常煙韌有彈力，煙韌程度係你甚至乎用叉都切唔開的！ 而且甜度控制得剛好，忌廉之多亦不遜於第一位的 Premium Roll Cake。 . 4 位：「とろけるダブルシュークリーム」泡芙 便利店：Sunkus 價錢：105 Yen 點評：泡芙內，頂層是牛奶忌廉，底層是 custard 忌廉， 兩款忌廉都以北海道牛乳製成， 最好在 10 度以下，忌廉半溶時吃，口感 double up！ . 5 位：Tiramisu 便利店：7-11 價錢：220 Yen 點評：7-11 的 Tiramisu 以四角形的小杯盛著， Tiramisu Cream 和咖啡梅花間竹咁疊起 4 層。 即係話，cream 的甜味和咖啡的甘味緊緊扣著， 每一啖都不會過甜過膩，又不會過苦囉！ . 6 位：杏仁豆腐 便利店：7-11 價錢：150 Yen 點評：一打開蓋，即刻聞到陣陣杏仁香味～ 全白色的杏仁豆腐，看似普通，但其實裡面加入了很多北海道牛乳。 呢個做法令杏仁豆腐更加滑溜，每一口都好似「跣入喉嚨」，係唔需要咬的！ . 7 位：窯出布丁 便利店：Sunkus 價錢：120 Yen 點評：布丁頂部有一層焦糖，可以清晰見到焦糖中有一點點黑色的呍呢拿籽。 這令布丁更香之餘，又多咗一份微苦，口感即刻多元化咗。 布丁本身都好柔軟，近乎液狀。 . 8 位：Tiramisu 便利店：Family Mart 價錢：260 Yen 點評：這款 Tiramisu 的份量是眾便利店之首，但芝士味軟薄， 好似我咁唔鍾意太濃芝士味的就最啱！ . 9 位：香蕉朱古力 crepe 便利店：Sunkus 價錢：130 Yen 點評：香蕉 + 朱古力 + 忌廉，本身就係 perfect match！ 而且香蕉基乎係原條上，份量十足，又比較健康， 唯一係忌廉可以多番少少。 . 10 位：大きなツインシュー 泡芙 便利店：Lawson 價錢：110 Yen 點評：比起其他便利店的泡芙，呢個的優點係：大！ 泡芙中間的忌廉都好豐富，咬一口，忌廉在口內四散，差啲由嘴口溢出添！ 比例應該有 3:2 (忌廉:泡芙) . Ranking 系列 1) 北海道地方 1) www.facebook.com/nihonzatsugaku 跟喜愛日本的朋友，一起交流最新的日本資訊和文化。 よろしくお願いします～ (^o^)
