比起其他以海灘聞名的城市，沖繩的優勝之處是 ── 不會獨沽一味！ 即是，它既有水清沙幼的海邊郊區，又有熱鬧的市中心購物區，保證不會悶親！ 而作為女生，對於正午的紫外線，我是完全黑面的!! 所以午後的沖繩，就是避開艷陽竄入各特色小店血拼的黃金timing！ . 講到我最愛的運動 ── shopping，就不得不提全沖繩最熱鬧的一條街 ── 國際通。 國際通全長1,600米 (即環繞運動場走4圈的長度)， 坐單軌電車於縣廳前站下車，就是國際通入口，交通便利。 一踏入國際通，手信店、泡盛店、琉球料理店... 總之所有富沖繩特色的商店會分兩行整齊排列，應有盡有，仲愈夜愈精彩。 以下 5 間必遊店，就是我在沖繩的心水蒲點！ . 心水 1) 文化屋雜貨店 點評: 在國際通，幾乎每隔三個舖位就有一間手信店， 但以這間「文化屋雜貨店」最寬敞，樓高兩層， 有齊精品、沖繩零食、泡盛、玩具... 可以慢慢行慢慢揀。 . 心水 2) 平和通 點評: 平和通是國際通的內街，全長 336 米， 沿途以沖繩料理店和手信店為主， 行到中間有非常具名氣的第一牧志公設市場， 行到盡頭又有陶器博物館， 眼球會好忙！ . 心水 3) 壺屋通 點評: 陶瓷係沖繩的傳統工藝，而呢度就集中咗數十間工房， 夾啱時間，仲可以參加吓佢地的陶瓷體驗活動添！ . 心水 4) Okinawa 屋 點評: Okinawa 屋係國際通入口的第一間舖，一定見到佢，位置優越。 門口有個超大 Hello Kitty 同埋超大鹹蛋超人，必須影相！ 行過記得入去攞本小冊子，裡面印有國際通地圖及大量 coupon 的！ . 心水 5) 地酒橫丁 點評: 地酒橫丁食傳統沖繩菜， 必點「苦瓜炒蛋炒豆腐炒豬肉」，亮點係個苦瓜少少都唔苦， 晚膳時間仲有人拉三味線和跳琉球舞， 齋睇我張相影得咁暗，就知道地酒橫丁好有feel啦~ . 更多 國際通 snap shot 望唔到盡頭的國際通。 . 唔知點解，國際通有好多 Hello Kitty。 (大部分都以沖繩的驅邪物 ── 獅子造型現身) . Kwepie 坐椅，行到見累，可稍作休息。 . 沖繩特色的印花背心 tee，hot！ . 更多 沖繩之旅 Day 1: 北海道地方 1) 北海道 東北地方 2) 青森縣 3) 岩手縣 4) 宮城縣 5) 秋田縣 關東地方 9) 栃木縣 11) 埼玉縣 12) 千葉縣 13) 東京都 14) 神奈川縣 中部地方 16) 富山縣 17) 石川縣 19) 山梨縣 20) 長野縣 21) 岐阜縣 22) 靜岡縣 23) 愛知縣 近畿地方 24) 三重縣 25) 滋賀縣 26) 京都府 27) 大阪府 28) 兵庫縣 29) 奈良縣 四國地方 36) 德島縣 39) 高知縣 九州及沖繩地方 42) 長崎縣 45) 宮崎縣 46) 鹿兒島縣 47) 沖繩縣 . . www.facebook.com/nihonzatsugaku 跟喜愛日本的朋友，一起交流最新的日本資訊和文化。 よろしくお願いします～ (^o^)
