Day4 去到Abisko都唔係咁順利架 因為我地發現落錯左車...Abisko有2個站, 反正我地就早左一個站落車 (仲要我地都仲未知) 行行下去到個hostel發現唔對路...果刻真係幾無奈, 呢間hostel原來係我地2日後訂左既hostel, 所以而家首先我地要搵方法去番岩既地方 白雪茫茫, 都幾無助, 好彩hostel幫我地打俾岩果間hostel, 佢地就唯有揸車黎接我地啦!! 去到果刻(呢間野其實係我揀既, 聽之前去過既友人講, 呢間係佢最唔中意既hostel, 不過夠平!!), 有少少灰 住既係6個人既sharedorm, 大部分住既都係中國人-.- 感覺很不對 不過呢個時候, 唔應該focus on呢d negative既野!! settle左之後我地就去超市買食物啦!! 路程大概10-15分鐘, 其實Abisko好細, 好可愛既一個地方, 個超市都好細!! 買左雪糕同其他野食就番去啦...好多人爭住用個kitchen, 所以都幾煩, 但係同一時間其實d中國人又好nice & helpful... (個雪櫃冇冰隔雪唔到雪糕, 所以, 我拎左出雪地, 埋住佢!!! 好正heehee) 食左少少野, 其實有d攰, 畢竟呢一日我地天都未光就起身上路...所以既然時間仲早, 我地就決定小休一陣 我已經較好鬧鐘, 8點零就會起身出去睇極光 其實hostel入面, 有好多好well-prepared既人, 佢地掌握晒d極光指數, 雲層, 風向等等既資料, 相比佢地, 我地完全係on居居咁! 而呢一日, 其實極光指數唔高, 而且勁厚雲, 有d中國人已經好灰心, 睇左幾日都無功而還, 而呢一日都唔樂觀. 就喺我訓得好稔之制, 出面勁噪, 心諗, d中國人去到外國地方就唔該檢點d啦!! 望一望個鐘, 完來已經9點幾啦, 點解鬧鐘冇響到既-.- 佢地成堆人沖左入房, 著晒d裝備, SHIT! 佢地睇到啦!!!!! 仲未訓醒既我地, 唔理三七二十一, 拿拿聲著晒d野沖出去....喺屋外因為有一定既光害, 只係好隱約咁睇到.... 跑啊跑, 去湖既方向...JESUS...好感動...好感動... 事實係呢晚真係好厚雲, 但佢地出左少少黎同我地say hello... 真係開心到嗌出黎啊!捱左個幾鐘凍, 等到佢完全消失為止, 唔想錯過佢既activity... 真係太奇妙啦!!!無論點都好, 總算mission accomplished!! Tromso令我地失望, 但Abisko既第一晚已經俾左好大既驚喜我地! 而番到hostel, 大家都仲係好興奮咁睇住d照片, 回味果份喜悅... 點擊圖片放大 +2 Day5 呢日行程好緊湊 一早起身, 我地就要玩雪橇狗!非常期待...其實狗狗係有限既, 所以要一早book定! 如果黎到先book, 咁就sorry very much啦! 一定full晒! 首先去到, 教練會講左d基本技巧, 點樣停, 上斜要點, 跌倒要點等等 之後我地就要開始帶d狗出黎, 其實佢地好興奮唔想喺個籠到, 所以會吠到拆天! 帶佢地去屬於佢地架車度, 我又好呈強地不斷咁帶完又帶, 帶左隻勁大力既係俾佢扯到我跌左落地, 好狼狽! 不過都好開心好好玩! 其實呢一日佢overbook左, 所以要輪流玩! 一開始我玩左一陣之後就同人交換, 其實都幾好... 賺左坐雪上電單車既機會 (好爽架, 不過係咁食雪!!!) 沿路風景好靚... 狗狗冇我想像中快, 而成個旅程都冇我想像中凍 (我以為會係咁食風, 但是日有太陽, 不錯!) 有時d狗狗會攰, 上斜佢地都未必夠力所以要幫幫佢地, 有時佢地會食前面果d狗狗果d booooooo... 其實唔會跌親, 不過因為要大力揸住架車, 所以手會有d攰... 好開心, 好好玩, 好值得!!狗狗好可愛!!!超中意啊!!! 玩完食左d野, 就開始下一個活動, 而呢個就係免費既, 呢個hostel有滑雪工具可以免費借用, 所以我地就好失禮咁借左黎玩! 我真心冇玩過, 所以點著都唔識, 搞左好耐, 有對廣州情侶教左我地, 總算ok啦... 我地只係喺附近平地玩下 (其實, 可以話係用佢黎代步) 有d小斜路兜左成個area一個圈, 途中再經歷下pk, 友人仲跌左部電話, 好彩搵得番!再去超市買d野, 就番去啦! 已經玩得好滿足! 番去照舊食d野, 我地比其他人早左d出去睇!! 因為真係好怕miss左任何野! 寧願食一陣風啦! 望住個天, 對眼冇離開過, 好靚, 好平靜, 好凍, 好寧靜, 好平安, 感覺好無限... 好凍, 好凍, 記住我係一個凍到會講粗口既人, 但為左極光, 已經唔理啦! 終於, 我發現到, 佢出黎啦!!!!!!!!! 今晚個天清好多, 所以佢一出黎就可以好清楚咁見到!!! 由一開始微弱, 到慢慢愈來愈激, 到發癲, 再慢慢離開....好神奇既力量!!!! 陸陸續續都有人出黎睇, 但我相信呢一晚, 我比任何人睇既, 都更加靚! 只要堅持, 個天, 一定唔會令你失望架! 不過...真係好凍... 點擊圖片放大 +7 Day6 呢一晚我地轉地方, 住喺之前去錯果間, which佢既scale係大好多... well, 其實轉hostel黎講...都唔係咁易, 因為係要坐車去, 本身我地都打定輸數要坐火車去 (行去火車站好遠, 仲要喺雪地上拖行李lol)點知見到個伯伯, 佢係呢度既owner, 佢好出名架! 因為佢成日都會走出黎叫大家沖涼沖快d, 因為冇咁多熱水 (btw, 果陣沖涼係要去另一棟building, 好狼狽架, 不過仲有人會玩焗完sauna裸體出雪地囉, d外國人好癲!) 我見到伯伯就唯有出絕招, 扮無知 我問佢點樣可以去果個地方, 咁佢緊係話坐火車啦, 不過, 佢可以車我地去!!! Yeah...就係咁, 好順利地坐順風車啦 : ) 去到呢...so sad, 我地被通知原先訂既小屋因為water pipe結冰所以唔住得人, 所以downgrade左我地去一間bunk bed房 其實都冇得揀啦, in return佢free左breakfast同埋dinner俾我地, 是但啦, 反正住得就得啦!! 仲煮少兩餐... 係終於可以唔洗煮啦!!!!哈哈!!!!! settle左我地就去行Abisko National Park 冰天雪地, 好靚, 好fluffy既雪, 訓喺上面勁正, 軟綿綿!! 呢度真係好凍! 行完之後見仲有時間, 我地就朝住湖既方向行, 其實呢度係完全布人架! 一路上都見唔到有人, 其實都有少少驚! 去到湖邊, 感覺有d可怕, 結晒冰! 我..其實都唔敢行出去...淆底啊!!!行左一陣個天愈來愈黑, 要行快d, 趁天黑前番到去啦!!! 呢晚有得食餐廳入面既dinner, well, 我本人就麻麻地啦, 都係自己煮既辛辣面好食!!!!不過總算試過啦!!! 夜晚睇極光, 其實我地住既房, 一望出去就會睇到, 因為前兩晚都睇到, 呢晚比較放鬆! 而且其實有個website, 係直播出面個天架, 所以我地就一邊玩deal, 一邊望下出面, 望下電話啦! 玩到有d攰, 算啦, 訓啦! 但其實我都唔心急架, 我較左鬧鐘, 得閒就睇下個website有冇料到.... 點知...有啊!!!!!!!!!!!零晨3點, 有啊!! 望下出面, 有啊!!!即刻叫醒佢地, 沖出去!!!! 好開人啊!!!呢個鐘數, 我相信都冇乜人會好似我咁架啦, 但係就算呢個時間真係唔係好合理, 有我就要睇!! 唔可以俾自己遺憾!!! 呢一晚, 有好大片既極光, 淡淡咁喺天空上行黎行去, 活動得比之前2晚明顯, 不過就冇咁強烈! 好感動, 好開始自己咁堅持, 睇到咁靚既景色! 幾辛苦幾凍都好值得!!!大自然實在太有趣!!! 我一路望住個天一路會心一笑...覺得自己太幸福, 好多人黎左幾次都睇唔到, 但我睇到咁難得既奇景 我知道個天對我好好, 感恩 : ) 點擊圖片放大 +7 Day7 我地要離開呢個咁祝福我地既地方-Abisko啦!!! 真係好中意呢個地方, 實在帶俾我好大既驚喜!!!! 下一站係Stockholm...well...又要用上一整日既時間去Stockholm啦... 首先我地坐火車去Kiruna, 再由Kiruna機場坐內陸機去Stockholm......
