2012年生日去左TURKEY
2013年年生日就因為認識左韓藉intern既原因下決定一行6人去首爾啦!
半年之後既reunion!!!
我人生第一次出國就係喺2003年去當時既漢城, 而家已經變左首爾, 10年後我又黎啦!!

2013年11月6-11日
首爾機票其實都唔平, 所以我地揀左最平既, 都要2500 round trip, 仲要坐Indian Airline添!
一早就出發, 到seoul係大概點幾啦!
其實都比想像中好, 起碼冇好大陣indian味!
坐underground去我地住既地方, 即係江南. 至於點解我地會揀江南呢...其實都唔係好清楚...
我地住既係一個apartment, 有2間房加樓上閣樓 (上面有2張床), 然後個living room仲有sofa床
所以完全好洗好用, 不過空間都幾有限同埋地點有點偏遠
由地鐵站行過去都要至少10分鐘, 首先行一段地下街再上路面, 所以我一定唔會recommend人住呢度
江南呢個區真心太遠!
settle完其實都已經4點啦!!其實韓國既11月已經好凍, 溫度係單位數字! 而喺江南都有好多銀杏榭, 所以好靚!
我地第一站就去明洞, 因為要唱錢丫麻!!!
再meet埋Jeni, 我地就首先食左d野先! Jeni帶我地食冷面, 其實都諗住食少少頂住先架喳!因為時間都只係4點幾!
之後就係喺明洞行下咁啦! 大家其實都唔餓冇乜intention食dinner, 所以一直行, 行到10點幾Jeni要番屋企.
我地都冇乜野做啦, 所以決定早d番屋企! 行行下有少少餓, 搵左間小到合店食kimbap, 係我地食過最好食架!
紫菜又油又香又脆, 勁足料!大愛啊! 之後果幾日都特別買外賣當宵夜食!!!!
番到去大家都係hea下, 我第一個沖涼, 沖完就不得了啦!
出到廳熄晒燈, 我開始知道咩事, 佢地應該想俾個驚喜我, 但我真係淆淆地, 唔知佢地搞咩.
佢地lay埋晒喺上面閣樓, 裝飾左間屋, 我行到出去就一路播生日歌一路掉晒d汽球落黎
好開心, 其實真係唔需要佢地做d咩, 有佢地喺度我已經好開心, 好滿足!

Day2 我地都冇乜一d好具體既計劃,呢一個早上我地就首先就出發去弘大
呢度真係好多coffee shop, 搵左一間坐下, 喺附近影下相, 行下
lunch就約左Jeni喺佢大學附近食, 食個部隊鍋, 正啊! 之後就去左東大門行左一陣!
約左Jeni夜晚喺江南等, 其實成個安排我係好迷茫架, 不過都係唔好問啦, 佢地既安排總有原因!
我地最後竟然番左屋企, 坐左一陣, 其實我都唔知我地等緊咩, 因為Jeni已經到左但其中一位友人消失左.
無啦啦有人禁鐘, HolyShit...係我另一位韓國ex同事同埋一位日本ex同事!!!!我真係喊左出黎!!!
This is just CRAZY!!! 原來佢地秘密地安排左呢個surprise....實在太out of expectation啦!
已經有2個蛋糕喺度啦(韓國d cake好好食, d cream一d都唔濟!)
佢地純粹上黎見我一面, a short catch up....surprise係未完架!
之後失蹤的友人就將我大學同房帶埋上黎!!!
話說我一個星期前幫完佢做姊妹, 佢咁岩黎左首爾同佢同事去旅行 (唔係同老公honeymoon囉!!!)
我真係好攰, 呢d surprise令我非常overwhelm...
搞左一大輪就一行8人去dinner啦!!!去食kyochon炸雞!!!!
好開心的生日!!!
由6個人,變7個, 再變11個人, 好幸運有呢d人喺我身邊!11

Day3 既然就約埋大學同學一齊去南怡島啦!
我地一早就要起身約好喺underground等! 好似大長征咁, 因為去南怡島首先要搭地鐵+火車, 再轉的士再坐船.
不過都好值得既 (因為首爾除左shopping之外的確冇乜地方去)
lunch就喺碼頭邊既餐廳, 點左8份烤雞, 好味!
去到, 好靚既顏色, 紅黃綠, 楓葉, 銀杏, 其實賞楓最靚既地方一定唔係南怡島, 不過我已經好滿足.
好浪漫, 而當然, 我地喺度影左好多相!
離開南怡島大家喺火車上冇位坐坐地上, 訓死了, 因為真係好攰!
去左鷺梁津食海鮮! 當然唔少得生食八瓜魚啦! 其實我喺第一次去韓國已經食左, 仲要係一隻生既放一條so入個口之後剪昌3.
所以今次食都冇乜新奇, 係為左滿足友人們, 而其他海鮮我地都只係食左蠔同埋魚生, 冇乜特別亦唔係特別平!
我個人覺得可以唔食...唔洗特登咁遠行過去!
而呢晚我地亦好早番左屋企啦!

Day4 呢一日終於可以訓晏d, 第一站去新村食8色燒肉
呢個gimmic其實就係8種唔同味既燒肉, 我地6個人叫左2 set, 都幾好食既, 但唔係好食到會再番去果隻囉!
始終食燒肉選擇很多. 呢一日因為我想shopping, 所以決定同友人們分開行, 費時我地女仔行果d又唔岩男仔.
所以兩位男友人亦都各自去自己想去既地方. 最可惜既係我係女仔團遲左, 搞到男友人好唔開心.
加上佢地又冇wifi, 通知唔到佢地, 佢地就白白等左...一個鐘 : (
之後一齊食好出名既醬油蟹, 中意食果d會好中意, 唔中意果d就會覺得好難接受
而我就覺得冇其他人講得咁誇張地好食囉!而且都唔平!
食完都仲早, 所以喺附近行左一下, 而我就好想去搵我同事推介既蜂巢雪糕!
價錢都唔平, 本身我地6個人叫左3個share, 但食左一啖就不得了啦!
即刻追加多3個!實在太美味啦! 真係好好味!呢個idea非常之好, 而我地都好想帶番黎香港!
好可惜, 冇幾耐已經喺香港開左d copycat啦! 上年底終於開左softree本人, 我真係好開心即刻去食啦!
超級正啊!!!!

Day5 呢日太開心啦! Jeni爸爸揸車黎接我地去佢屋企食飯!大概係要答謝我地(當然特別係我啦)咁照顧Jeni啦!
佢都住得幾遠架, 未夠一個鐘既車程啦...嘩原來韓國人d屋企好大!!!佢住既都係一d大型屋苑...
Jeni媽咪準備左好多野, 我地既禮物包包括紫菜, 同埋韓式醬料2盒!
然後...個午餐真係...勁。豐。富!
真係超好食, 食到我地捧住個肚, 太正啦!
個海鮮湯勁足料! 燒肉又勁正! 炒粉絲! 沙律! 餃子! 每一樣都勁好食啊!!!
食完喺佢屋企附近行左一陣 (一個小hiking)
好舒服! 太正啦!;
本身呢一日仲想去超市買手信架, 但好可惜原來韓國有一d指定日子大型超市會關門 (係幫d小商戶既措施!)
所以我地就好無奈啦...到傍晚我地仲食埋Jeni媽媽整既泡菜炒飯先番走!!!
番到去我地仲買左宵夜食! 唔少得炸雞同埋我地最愛既kimbap啦!!!

Day6 基本上都冇行程, 訓醒我地其實要還原番間屋, 而且垃圾要分類, 搞掂晒我地坐機場巴士就同seoul講byebye啦!

呢個trip真係太喜出望外啦! 其實我好容易滿足, 簡單就好了!
亦好怕活得太美好, 因為害怕失去! 久違了喜悅的眼淚!
加上可以同我最錫既Jeni短聚, 雖然呢次喺首爾買唔到d咩, 但心裏, 卻滿載而歸 : )

成功發佈