工作上, 一直都同老闆唔岩 而熱血既我, 一直都唔怕同佢頂撞 或者可以話我EQ低, 但係我唔會向無理既強權認輸! 果一次, 嬲到我同佢講, 我唔做啦, 總之我就係唔想同佢做野. 好彩HR一直都好錫我, 見有個機會, 就俾我去Maldives散下心, 諗都唔洗諗, 緊係去啦! 始終都係落後d既地方, 個working visa都搞左幾耐, 一直都出發前5日先confirm晒所有野. 所以準備得都有d rush. 不過, 其實都冇乜野需要啦! 最緊要係泳衣, 防曬, 同埋即食面! 2013年5月15-8月2日 出發前小插曲, 智慧齒喺出發前2天突然好痛, 牙痛真係不能忽視, 所以上機果一朝即刻去睇下醫生拎左d藥頂住先! 好幸福地, 有兩位友人上埋我屋企幫我手拎行李, 送埋我機(我住唐樓, 呢次冇人幫我拎行李真係搞唔掂!) 公司book既係馬航, 先飛KL再去Male. 一切都尚算順利既. 轉機都唔係等左好耐. KL去Male果程機d野真係超難食! 唯一食得落肚既就係果包餅! 到左Male都幾迷茫, 首先過immigration因為我拎working visa所以都等左一陣!而且都小心d咁check我既行李! 有一個當地人接我機, 原來仲有另外一個緬甸既女仔同我一樣, 佢比我黎既時間更短, 只係一個月. 因為要喺Male留一晚, 我地就將大行李寄存喺機場, 只帶左隨身行李去酒店. 一心諗住可以住公司酒店, 點知佢地只係安排我地住一間爛鬼旅館, 設施好basic! 仲要同呢個陌生女仔一齊share, so sad, 係咪應該一早同我講左聲先呢lol 其實喺Male碼頭 d水已經好清, 同尖咀碼頭完全冇得比! 一朝早出發就要坐內陸機去我地酒店所屬既島. 喺馬代好多島都會用水上飛機, 即係隻機係直接land喺海上既. 但我地果邊有個機場, 所以坐飛機就ok啦! 仲要坐成1.5鐘添! 去馬代其實最好真係揀一個日頭坐飛機, 因為喺機上睇到既風景真係好靚, 一個個atoll, 藍藍綠綠, 好靚! 個心好興奮, 到底去到會有幾靚呢? 坐坐下, 有個空服就黎送左張equator certificate俾我地, 話俾我地知喺呢個moment我地過左equator啦! 落左機之後, 住我地酒店既有特別通道架! 行李都唔洗拎, 直接有人帶我地上speedboat, 坐多10分鐘就到resort啦! 喺船上, 已經覺得靚到o晒咀啦! OMG, 我真係黎到呢個天堂度番工啦!!!! 首先講下衣食住行啦! 第一日首先就settle左先! 住既係2人房,一層share一個廁所有3格沖涼! 其實我地酒店好多中國人, 所以都喺唔同sister hotels搵左d同事黎幫手, 於是, 我有好幾個中國同事, 包括我同房. 不過原來我到既呢一日就係佢既last day, 佢亦顯得好唔友善, 原來大部分中國同事都好想番去, 喺度做得唔開心. 我呢, 就唔理咁多啦!最緊要自己做得開開心心啦!! 食呢就有canteen啦, 一開始真係勁唔慣囉!!!一入canteen就係好大陣咖哩味! 我一開始真係勁反胃. 連canteen都唔想入, 因為呢度係muslim地方, 當然冇豬肉食, 食物都要就番muslim既口味, 日日有咖哩. 但因為都有好多expat, 所以會有d BBQ night, italian night, 有時又會有burger食, seafood night咁! 之後就慢慢習慣左果陣味, 到已經冇晒感覺啦!慢慢開始食canteen d野! 有時有ceaser salad食, 或者有live station炒意粉, 其實都算唔錯架啦!只係早餐真係唔岩我口味所以一定唔會食早餐! 不過由於我帶左好多面, 加上我收左3個parcel, 所以我有非常充足既糧食, 仲有一位台灣朋友托仍同事拎野食俾我. 再加上有d香港客人會同我分享佢地既零食, 最後唔單止唔仇冇野食, 仲可以成日同朋友分享食物添! 最重要呢就係人緣要好, 識左d中國廚師, 佢地成日都會偷偷地帶d野番黎食, 有時有牛排, 大蝦. 佢地仲會自己用辣椒整既涼拌雞翼尖黎送酒, 所以喺果度比平時飲多左酒! 其實果度係muslim地方, 係唔可以飲酒架, 但因為酒店入面有好多外國同事, 所以有一個staff bar. 不過我就好少去既, 只係佢地會order一廂廂beer, 我就去同佢地飲!!!正啊!!! 除左中國廚師, 亦都識左個Sri Lanka既廚師, 有一次我話我好想食mushroom risotto, 佢就整左俾我食! 勁開心, 好滿足! 所以本身我一心諗住可以去減下肥, 最後, 好明顯失敗左啦! 仲有未講啊, 我地係可以去酒店既餐廳用staff rate食野架!!!當然咁貴都唔可以成日食啦!!! 但係都總算有d好野食啦 :-) 仲有呢就係可以去對面島有d餐廳食野既, 就普普通通架啦, 勝在可以食下其他野囉!! 衣黎講呢, 其實喺呢度一個星期番6日工!即係呢, 大部分時間都係著制服啦! 所以其實就唔洗帶好多衫去既, 都冇咩機會著! 放工有時都好攰唔會出去啦, 所以直接著睡衣就ok啦! 如果真係要出去呢, 就係去對面島Feydhoo Hithadhoo, 再強調多一次, 呢度係muslim國家, 所以我地衣著都要檢點d燃 特別係夜晚去的話, 一定要包得密實d, 呢d喺員工手冊都有講到, 要尊重番當地既文化. 宿舍有洗衣機乾衣機, 所以好方便! 最開心就係番工係著拖鞋既, 勁正!好爽! 行一開始都講左一d啦, 其實地點都有d遠, 要黎呢個咁靚既地方都真係需要一d effort. 因為我住喺島中間, 所以每日只係行5分鐘就會到office架啦!其實個島都唔細, 客人一般都係坐buggy or踩單車! 而我當然就乜都冇啦!不過其實除左去office之外都冇佇地方要去, 真係要去搵客的話都會有人車去既! 平時唯一可以去既地方就係對面島, 而我地d local大部分同事都係住喺對面島既, 所以就每個鐘都有船來回接送. 我最中意就係上船頂, 訓喺度睇星星, 真係好靚, 好彩仲可以睇到流星!! 去到對面島都有shuttle bus俾同事坐既, 有一次就唔識路有另外一個車上既同事帶住我地行. 所以都係唔好去咁遠, 喺附近超市行下好啦! 而亦都有一次有個同事用佢既電單車帶我同我既best friend玩, 超級正! 一邊飛馳一邊睇星星, 正到冇朋友! 而亦有另一位同事, 佢車左我地去食野!!!所以只要人緣好, 一定唔仇冇野玩冇野食哈哈!! 完結呢一篇之前, 必須要講既就係, 雖然呢個景日日睇, 但絕對係唔會厭架! 每一次都仲係會驚訝點解可以咁靚! 每一日都好享受呢個環境! I LOVE MALDIVES!
