第二日我地都係係市區行下景點同埋係我地住個到報左個2日tour 首先我地去左甘丹寺,原來好近我地住個頭,行10分鐘就到 甘丹寺出面好多鴿,仲會有d小朋友走黎摟你買糧餵鴿 入面有d喇嘛念緊經 想像下呢座廟入面有座由底至屋頂咁高既佛像 我就冇影相因為係蒙古大部分景點/博物館入面影相都要俾錢 費用由$10000-50000MNT都有,姐係$40-200HKD 去完甘丹寺我地都番番旅館拎番少少野同玩下貓先 推介大家去呢間博物館睇 我同d朋友都係入面逗留左好耐 好似帆船個座野都算係UB地標 而呢一個區域都係UB市中心 附近有郵局有商場好多手信鋪頭同埋coffee shop 黎到蒙古有咩可能唔黎蘇赫巴托爾廣場 一直都覺得蒙古國旗個標誌好有型 事後問番一個當地人話呢個標誌係好耐以前一個喇嘛冥想個陣諗到 成個標誌大概意思都係保護人民保護國家咁解