兩前年突然冒出了一個念頭，工作以外都想學多樣野平衡一下生活，加上仲未用過政府推出的持續進修基金，所以就決定去學韓文。 身邊朋友知道我學韓文時， 第一個反應都非常驚訝，問點解咁多語言唔讀偏偏要選讀韓文，佢地都問我係咪因為要追星所以學韓文。嘻嘻。 我選擇讀韓文並不是因為追星，說實。。。學韓文前很少聽韓文歌，睇韓劇我諗一年內煲劇次數5隻手指數得晒，睇得最多可能係running man。果時睇電視聽佢地既發音，覺得韓文好似同中文發音差唔多咁，抱住應該唔係好難啫既心態去學 (當然浸濕左個頭先會發現當初既諗法只係啱左三分之一）。但既然個頭唔洗都洗濕左，就索性搵方法讀好去，慢慢發現自己愛上對韓文語法及發音的研究，雖然語法部份是很麻煩的一環，但當自己掌握到如何正確使用後，去跟連韓國人都搞不清的語法做說明，那種滿足感也是我學習動力之一。 最初學習韓文時，因為那時對韓語40音一點概念都冇，望見都唔識讀，更加唔會識拼音，所以我就打算搵學校報讀，果時見到hku space 可以claim 持續進修基金，所以就去左hku space報讀韓語入門班。 在這兩年入面，我在hkuspace上學同時機緣巧合下遇到了我的私人韓國補習老師，所以有一個學期我跟了那位韓國人老師學習，因為當中發生了一些小插曲，所以後來我又再次投進hkuspace的懷抱。 下一篇再跟大家分享一下我在hkuspace入門1學了些什麼吧～
