************************************************************************************ Day 1 松鼠妹咁大個女都係第一次去日本, 個時十二月溫溫下書悶得制走左去睇機票，見平平地就買左HKepxress三月尾既大阪機票，其實完全唔知頭唔知路，又唔知原來係賞櫻既季節 :roll: （唔好意思松鼠妹讀書個時真係咩都唔知成舊飯咁）點知D櫻花真係超級靚呀 <3 今次坐下晝機⋯點知遲左成粒鐘>< 廉航真是呢-.- 不過都冇掃到第一次去日本既雅顧＋＋ 上機lu！ Sh一聲好快就去到大阪關西機場喇＾＾ 落左機就要飛去買旅遊卷，估唔到去到都成7點幾8點都仲咁多人⋯ 之前扒左好多文問左好多人，終於揀好買咩車飛既組合好。 因為我頭個幾日去京都，之後先返大阪，所以先買左下面個種 ICOCA＋Haruka既車卷 經過多位好友既幫助, 大約知道有幾種人岩買呢款車卷: 1. 住係大阪區域, 係 天王寺、新大阪附近既，又懶得換轉車，可以買ICOCA＋Haruka 單程車卷 2. 一落機就去京都既可以買ICOCA＋Haruka既單程車卷 3. 回程都係係京都、大阪的天王寺或新大阪去機場，可以買 ICOCA＋Haruka來回套票 咁因為我有一日會去奈良, 買定JR-West Rail Pass就perfect lala~~ JR-West Rail Pass在一次入境時，一人只能購買一次且限購一張, 而佢有分一,二,三同四日卷,但係一定要連續幾日, 唔可以跳日期架>< 票價如下: 雖然有人話上網訂定會平D,但我呢D呢臨急抱佛腳既就冇理咁多喇~科科:) 個Pass 要預先計畫好日子用既,因為一買就會問定你幾時用, 買之前要諗定喇~~ 咁我3號個日預計去奈良,呢張野就岩晒喇~所以我只係買左1-Day Pass 另外,我因為會有一日留係大阪, 所以我買左一款係香港既EGL買定大阪一日乘車卷¥550 (大約40蚊港幣) 佢可以搭大阪市營地下鐵／南港港城線／巴士 , 買左佢好多參觀既地方都有discount 架*3* 詳情可留灠以下網址: http://www.kotsu.city.osaka.lg.jp/foreign/chinese-trad/OsakaTicket.html 我仲買定去嵯峨嵐山火車既車飛，人地話要買個靚位唔易，我一早揀好日子就係買左飛先，人地話Car 3-4D最正～嵯峨既行程之後會繼續 :lol: 買好晒去搭車lu~ （大阪國際空巷JR駅） 《大阪空巷駅 --> 京都駅約90分鐘》 坐定定等落車lu>>>>>>> 到左京都 到左京都就飛奔去地下鐵，其實指示都算清楚, 一落車就話你知點行~ 聽到話就黎last train 超驚驚>< 好彩去到月台仲有車～ (奔奔奔) 今次住既係一人房既烏丸京都飯店 (係京都站坐兩個站到四条就落車!! 超方便~)。 出左閘向5,6出口行, 一上左樓梯就見到好大個牌喇^^ 終於可以訓覺喇>>>>> (沖沖沖~~) 其實之前睇過唔少Hostel民宿咁，但因為媽媽擔心我自己一個女仔同一D陌生人住，我又遲book房, 好多單人房既hostel都俾人book晒 (哭), 咁只可以book酒店~ 話說好多日本既hotel呀民宿呀都係去到先俾錢，雖然話幾一星期前唔要間房或者no show要俾錢，但係好多都靠自律，皆因no show都罰唔到你錢, 但你都知hostel民宿係始終都唔係好多間房, 又可能因為旺季難book, 如果大家唔要間房真係要同人地講番~雖知旺季真係一宿難求呀 :oops: 所以大家唔好搏矇喇～ 間酒店就冇咩特別, 一張床連toilet 咁喇~ 好似冇咩特別, 但都要400幾蚊一晚, 我一共住左兩晚...雖然真係幾貴(民宿hostel一晚都係百幾二百), 但係一個女仔, 免得媽媽擔心, 所有都要俾喇(.皿.) +++++++++++++++++++好,咁就搌展開左我係日本既初夜 <3++++++++++++++++++ 待續....
