呢排興蒸煮盒,於是用印花換左一個德國品牌Woll亞洲地區先有嘅蒸煮盒。今日第一次試驗,煮兩人飯再加蒸鎗魚,算成功,用咗30分鐘。其實應該20分鐘就得,不過我倒咗太多水入去,煮煮下中間氾濫左啲水出嚟,同埋太多水佢部機唔識停,會煮到啲水乾晒水先識停,所以條魚有啲煮過頭。說明書話可以蒸肉,亦可以烚四隻蛋,等我下次試吓。我問過其他牌子嘅蒸煮盒,好似唔係隻隻都可以蒸肉,所以大家買嘅時候要睇清楚!蒸煮盒真係好方便,因為唔使用火爐,可以插着電跟住去沖涼,唔使睇火,(帶返頭盔,其實我唔知咁樣安唔安全)。雖然呢個得兩層,但係我諗可以再喺啲生米上邊加多樣一齊蒸,咁就可以有兩餸飯啦!但提提大家蒸嘅時候記得攞開個兜嘅蓋,我唔知道攞咗落去一齊蒸,搞到條膠邊一陣魚未洗唔去😓