今屆世界盃個罕有地德國一早出局，搞到我唔知支持邊隊好，去到後段，發現克羅地亞係掂喎，開始支持呢隊黑馬，尤其只係上個月先去咗個國家。克羅地亞係前南斯拉夫的一部分，所以你見啲球員個個都好有故事。克羅地亞現在仲有自己嘅貨幣Kuna，遲啲就會改用歐羅，所以呢兩年去係仲比較平。香港人以前比較少會去呢個國家，其實佢係喺意大利對面海，自從Game of Thrones套戲喺Dubrovnik取景，今次去已經見到好多遊客，仲有好多大陸同台灣團。夏天係去克羅地亞嘅季節，今年六月頭去每一日天氣晴朗炎熱到媽媽都唔認得，但係影出嚟啲相就無敵咁靚！若是今晚克羅地亞贏咗世界盃，相信大家都會更想快啲去下呢個地方，確實係好值得推介呢！
