見到最近有關於介紹英國藥妝店的文章，心郁郁都想俾大家知德國既。德國有兩大連鎖藥妝店，第一大係dm，第二大係Rossmann (俾李超人買咗），都係好似香港嘅屈臣氏同萬寧一樣，細啲嘅分別有Müller同Budni (in Hamburg)。佢哋有好多分店，緊有一間係左近，賣嘅係生活用品、化妝護膚品、supplement等。行德國既藥妝店，一行就行一兩個鐘，好似去日本行藥妝店一樣。 唔講唔知，德國嘅天然化妝護膚產品(natural cosmetics)係歐洲第一大市場，佢哋護膚品有管制、有分等級，價錢卻好抵。有好多香港賣緊嘅歐洲或德國天然品牌只有七八成價錢，譬如Dr. Hauschka, Primavera, Weleda。 但今次我要介紹的，係喺藥妝店自家品牌dm，價錢平到你唔信，但係品質其實好高，有適合唔同皮膚嘅系列，包括敏感肌膚，BB系列，當中有啲貨品仲有德國的消費權威認證Öko-Test最高非常好評級(sehr gut)。品牌有alverde (natural cosmetic), Balea (high quality, fair price)。唔識嘅可能會好驚唔敢用，因為實在好平，自己衡量下，但本人覺得試試抵玩（disclaimer: 本人只試過兩三款給敏感肌膚的產品，主要係住喺德國既朋友介紹）。 alvera擁有認證如NATRUE (True Friends of Natural and Organic Cosmetics) (http://www.natrue.org/), GREEN BRAND Germany 2015/16。產品包括有化妝品同護膚品。例如： 眼霜: €3.95, 10ml, 含Q10成分 敏感肌膚面霜：€3.25, 50ml 細胞活化精華：€5.95, 30ml, 抗衰老 Balea品牌由1995年開始，到現在已經有450種產品，照顧顧客由頭到腳嘅需要，提供高質素而價錢合理既產品，仲有男士系列。例如： 眼膜：€3.55, 12塊，含Q10 尿素護腳霜：€1.95, 100ml 超敏感潔面乳：€2.95, 200ml, 不含防腐劑、香料、色素
