今次介紹嘅城市係波恩，佢最出名就係著名音樂家貝多芬嘅出生地，波恩距離科隆只有一個鐘左右嘅火車車程。呢個城市擁有二千年歷史，亦都係以前西德嘅首都。佢除咗係貝多芬嘅出生地仲係另一個音樂家舒曼逝世的地方，現在佢嘅故居變成波恩市音樂圖書館。 建議遊覽時間：一天 1. 貝多芬之家 Beethoven House 貝多芬之家位於Bonngasse 20，係一處紀念館、博物館同文化機構，成立於1889年，建築本身曾係貝多芬生活同工作過嘅地方。 www.beethoven-haus-bonn.de 2. 貝多芬像 Beethoven Monument 人像就係位於市中心，post office (Postamt) 前。 3. Alter Zoll, Poppelsdorf Palace 巴洛克式建築，現在係波恩大學嘅一部份。 4. 星星門 Sterntor city gate, 老市政廳 Altes Rathaus, Cathedral (Catedral de Bonn) 星星門係中世紀城防嘅見證，佢包括原來嘅星星們遺址，以及城牆遺址同一座古老嘅半塔。 5. Currywurst Forever 餐廳 呢間餐廳最特別嘅地方係佢有5種唔同程度辣嘅咖喱香腸，最辣嗰隻叫"Highway to Hell"，有成1,000,000 SHUs (Scoville heat units) 辣椒 (總之超勁），如果你夠膽挑戰佢最難程度嘅咖喱香腸，首先要簽一張生死狀，我叫之前都掙扎咗三分鐘簽唔簽！但一場黎到驚都試吓，食嗰陣時冇乜嘢，食完15分鐘後（我真係一個人食晒一碟）即刻賴嘢，feel到肚裏滾緊，即急食McFlurry （因為淨係搵到麥當勞），跟住就爆發了⋯⋯跟住再飲埋包奶先搞得掂。想挑戰自己嘅自己衡量一下 :) （註：身體不適者不宜嘗試，本人經過嚴格訓練。） www.currywurstforever-bonn.de www.facebook.com/currywurstforeverGermany/
